Na, wär kennt das Ross? Jaaaa, äs isch mis Piry i ihrem nöiiä Stau! Bi meeega froh das si ändlech do isch!
I bi auso am Friti Nomi hiä abgfahrä u so um diä 6i bi minä Eutärä acho! När hani gar nid viu Ziit gha für sä, sondern bi gad witer gfreset i Römerhof, go packä, während mi Papi deheim mini Winterreifä gwächslet het! Scho gäbig so Eutärä;-)!
Ha auso mis ganzä Bagage (mann, ha gar nid gwüßt dasi so viu ha) zämäpackt im Stau u aus parat gmacht für am Morgä u när bini hei mis Outo go holä u gad witer uf Bieu go äßä! Dört hei mer de sämtlächi Horrorsituationä wo üs am italiänischä Zou (da die mi nid so gärn hei, bi scho 3 Mou kontrolliert wordä) chönntä erwartä dürädiskuuiert! Zum Glück isches kes Problem gsi u i ha mini Connections zum Zouamt und zur Panalpina nid müäßä usnützä;-)!
I bi auso am nöchschtä Morgä s Nici am Viertu ab 5 go abholä, am haubi 6i hei mer üs mit dr Fabienne im Römerhof troffä u pünktlech am 6i hei mer wie planet chönnä abfahrä!
I bi de noeinisch hei go s Impfbüächli holä u mi go verabschidä u när bini är Fabä u är Nicä hingä nochä gfahrä, aber i ha sä erscht z Luzärn chönnä iholä, diä 2 si äuä gfreset wie ä Morä;-)!
När bini aues, bis nachem Gotthard hingä drannä blibä u ha mis Pferdl beobachtet, u si het sech auso entgägä aunä Erwartigä sehr guät beno!
Nachem Tunnu ha ig d Füährig übernoh u mir si ca am 11i ar Gränzä z Stabio, bir CH-Gränzä si mer eifach dürägfahrä, isch niämer umägsi... Hei när bi dä Tschinggä aghautä u diä hei mi sogar scho kennt wiui am Tag vorhär scho gfrogt ha öb dr Zou am Samschti offä isch für Transportä (am Sunnti isch jo zuä, drum hei mer das ganzä ufä Samschti verschobä)! När hani schnäu ä Stämpfu ir CH u einä z Italiä müäßä go holä u scho simer dürä gsi! U si hei nid mou i Transporter oder i Pass gluägt! So eifach!
Haubstung spöter si mer im Stau gsi u ou dört het sech s Piry ganz guät benoh, isch numä cili närvös gsi! Si benimmt sech ou jetz ganz guät, obwou Box haut scho chlei chli isch! Aber i ha sä jetz beid Öbä uf d Weid glo u gangä flißig zuärä oder go loufä, damit särä nid längwillig wird!
U si isch so härzig, mega ahängläch, weni mitärä uf dr Weid bi fouget si mer überau härä u trabet mer nochä! Das het si deheim jo nie gmacht! Ach, mis Schätzli!
Sisch leider nid sones guäts Föteli aber das wär jetz auso mini Chefi, ar erschtä Dreßurprüäfig z Kreuth! Sisch auso super hie, ändlech verstohni d Lüt wider;-), auerdings chani scho fasch nüm dütsch:-(! Verdräiä ganz Ziit Sätz und mixä änglischi Wörter dri... A jo, u s italiänisch hani auso ou nonid tschegget!
Vo Mittwuch uf Donschti si mer auso mit 4 Roß is Dütschä gfahrä u mir hei auso numä 12 Stung gha! Üsä nöi super toll tür Transporter het drum äs Gschwindikeitslimit vo 90kmh! Schnarch!
Sisch auso nid so asträngend mit numä 4 Roß, ha ganz flißig Pousä. Ha äs par Dreßurprüäfigä gluägt, u i muäs sägä äs gseht mega eifach us! Auso nid das igs chönnt;-)! Schritt Trab Gallop i verschidänä Tämpo, Volte, Halt, Rückwärts für 1 Stärn und zuäsätzlech Schulterherein, Füdlähinein, Ußägallop u chli schwirigeri Übergäng für 2 Stärn Prüäfigä! Dönt doch nid so schwär, oder? Na ja dä meischtä seits jo äuä eh nüt;-)!
Auso nöchscht Weekend isches Turnier z Rom, aber i darf nid mit:-(! Wiu i cha hei cho s Piry holä, juhui:-)!!! Fahrä Samschti Mittag hiä ab u wenns klappt bini am 4i deheim! Wär chunnt mit i Usgang;-)?
Bis baud
So i bi auso geschter z Obä ändlech, haub tot , vo Ravenna hei cho! Ha ä wunderschönä Sunnäbrand u ca 200 Muggästichä mit hei brocht! S Meer hani leider gar nid gseh, hät 5 km müäßä loufä, u für das bini eidütig viu z müäd gsi am Obä!
Das do obä wär auso eis vo minä Rößli, dr Lion Dancer, är isch auerdings am erschtä Tag, nach dr Dreßurprüäfig usgschidä! Diä angerä 5 si ok gsi, aber mir hei numä 1 Platzierig (10 Rang) gha!
Mir hets eigentlech no gfauä, döumou het mä eifach gad 3 Roß mitnang wo usä oder versorgt wärdä müäßä! U das isch jetz mi erscht 3-Day-Event gsi, s het mer eifach chli ar Organisation gfäut... Döumou hani auerdings ou gar nüt z tüä gha, u de bini mou go s Croßcountry luägä. Isch auso sehr beängschtigend, i hätt mega schiß über die Hinderniß, wiu si aui Fix si, u sicher ä 3tu vo dä Riter flügä abä! Isch definitiv nüt für mi!
Am Samschti Obä hets de no ä Party gä, bi säubschtverständlech gangä mit erä Engländerä woni kennäglehrt ha! Bi aso scho froh, dasi jetz öper kennä wiu zwüschä dürä isches haut scho sehr öd, wenn d Riter wäg si!
U äs si geng öpä diä glichä Lüt wo a die Turnier gö, mit dr Ziit kenni de sicher aui;-)!
So jetz muäsi mou ufstoh, mou luägä was mer aues weh tuät!
Dä schnuselig Hümpu isch zur Ziit gad mi Zimmerkolleg! Auso die Dechi woner druff schloft wäri eigentlech aus Abtrennig zwüschä sim Teil u mim Teil dänkt gsi, aber är het das natürlech gad ines Bett umfunktioniert;-)!
Mir schlofä auso hingä im Laschtwagä, dört wo d Roß amä si! Das dönt jetz blöd, aber sisch gar nid so schlimm, hanes bett, stinkä duäts nid u i ha mi ganz persönlich Wachhung;-)! Ha auso scho schlimmeri Bett erläbt!!! Numä schad das mi Wachhung schnarcht...
Geschter z Obä hets no öper Nöis gäh, jupi i bi nüm diä Nöii:-)! Das wär auso si rächts, heißt Nitia, isch vo Portugal und 16i, und i hoffä mou das chunt guät! Diä ir Mitti isch d Emilia, 20gi und links d Madeleine, 22gi, si beid vo Schwedä!
I bi auso vou d Muättergluggärä hiä! Nenei, mir heis guät zämä!
Geschter simer i nä Lunapark go Karußel fahrä;-), hani jo scho ewigs nüm gmacht, bi fasch go chötzlä, und jetz si mer äbä gad am See, gniäßä üsä frei Tag und d Sunnä! Schöni Oschtärä!
Hüt Morgä hei mer am 6i agfangä Mähnä züpflä und jetz bini gad mit 6 Roß am nä Turnier! Im Moment isch gad zimlech gmüätlech;-), wie mä jo gseht!
Am Morgä hei si Dreßur u Springä gha u am Nomi de no Croßcountry!
I bi äbä no gar nid drzuächo go zuäzluägä, isch chli ä Streß, aber schinbar machis guät, cha nöchscht Wuchä mit uf Ravenna und Dütschland:-)!
So, das isch mou ä Teil vor Ussicht, aber natürlech nid vo mim Zimmer, ha schließlech numä äs Dachfänschter! Ha jetz mi 2 Tag gschafft, bi 1. totmüäd und 2. macht mir aaaues weh:-(! Aber schüsch ischs kuul! I ha auso 10 Rößli zum betreuä, das heißt i machä sä parat für Betta, mini Chefin, oder für d Chundä, u duä sä när wider verrumä... Jo när natürlech mischtä und fuätärä.
Am Samschti chani mit anäs Turnier, nimmt mi scho Wunger wie das wird:-)!
Ok, jeuz muäsi schlofä, guät Nacht!
Voila, mis Zimmer! Äs isch sooo groß, s het fasch nid ufs Photo mögä;-)!
Ha auso äs separats Badzimmer und Kuchi/Stubä teili zurzit mit 2 Schwedinnä! Diä hei mi de ou scho grad überä ganz Stauklatsch uf klärt! Wird jo no luschtig!
Morn hani auso tatsächlech scho gad frei u de gö mer de scho mou go lädälä;-)!
Mit Internet gsehts auerdings nid so guät us, das funktioniert schiins nid... Genau so wie dr Fernseh ud Mikrowäuä! Naaaa ja!
Guät, mi lißt sech, ghört sech oder gseht sech, byebye...
Hie bini hüt Morgä ufgwachä, und zwar isch das ir Melä ihri nöii Wohnig am Chrüzplatz z Bieu!
Ha när mini 7 Sachä (s Chaos bir Melä het sech auso scho extrem verringeret;-)) packt u bi zu minä Eutärä go zmörgälä, när em Piry u em Römerhof go tschüß sägä u när bini mit em Starlet u minä 4 Täschä losdüset! Z Deitingä hani scho die erschti pousä gmacht u ha dörm 'per Zuäfau';-) no d Celä troffä!
När bini witer gfreset, ha fasch ke Stou gha u iigschlofä bini ou nid, ha de auerdings z Varese doch no d Usfahrt verpaßt u ha när ä Haubstung Verspötig gha.
Aber i has ömu gschafft:-)!
