Fraser Island, Great Keppel Island und Blue Mountains...

Tata, das isch Fraser Island... Ae Dingo, dr einzig womer bis jetz gseh hei:-(! Gemaess em John, uesem super Tour-Guide, hets bis for aes par Johr no ueber 3000 Dingos uf dr Inslae gha... naer isch ae chlinae Gof gfraessae wordae und Dingos si aui abknaut wordae und jetz hets no knapp 250! Uuups, das doent huerae Boes... arms Ching.

Maheno Wrack Ae verraegneti Duenae, aber dr Raegae het natuerlech uesae ganz Trupp nid drvo abghautae goz Badae im Seeli im Hingergrund...
S Waetter het leider waehrend em ganzae Usflug nid so guet mitgmacht und ufem Rueckwaeg uf dr Faehrae hets de no so richtig gstuermt;-)!
Dr Sunneungergang vor Faehrae us...
Long Beach, ae einsame Strand uf dr Great Keppel Island. Uesi Ziit isch aebae langsam chli knapp wordae und s het ues nuem bis zur Whitsunday Island glaengt. De simer de du numae bis Rockhampton gfahrae, hei 1 Nacht z Yeppoon verbrocht u si de fuers Weekend uf die Great Keppel Island! Isch auso vou dr Insidertipp, s het fasch keni Luet gha und isch aecht wunderschoen!

Si auso dr ganz Tag chli am Beach ghaenget, go schnorchlae und im Bush umaegloffae... hei ues fasch no chli verirrt, aber zum Glueck isch d Inslae nid so gross:-)
Do si mer de scho i dae Blue Mountains... mini Schwoeschter mit dr beruaehmtae Faeusformation, dae 3 Sisters. Hie auso 'the 4 Sisters":-)!

Nach Great Keppel Island si mer auso no je 1 Nacht z Gladstone, z Brisbane gsi und z Coffs Harbour gsi.

Chrigi im Raegaewaud! Blue Mountains waerae auso mega schoen, s het ae Canyon, ganz viu Lookouts und Wanderwaegae, aber leider het eifachs Waetter widermou nid mitgmacht... s het fasch die ganz Ziit gschiffet und mega Naebu gha, wie im toeifschtae Winter im Seeland.

Ig Trotteli ha auso no mini Turnschueh z Coffs Harbour vergaessae (mis Pyjama hani auso ou scho irgendwo lo liggae...) und so si mer de haut bi daem schlaechtae Waetter fangs mou go shoppae:-)! Ha jo schlaecht i dae Flippflopps choennae go wanderae.... i derae cheuti!


Jetz si mer auso wider z Sydney, fuer 1 Nacht, und huet isch auso Anzac Day (Australian and New Zaeland Army Corps) und drum muessae mer jetz go fiirae...

Sydney bis Hervey Bay...

So mini liebschtae, arbeitendae Mitmoenschae... mir si jetzae z Hervey Bay und hei huet dr ganz Tag am Strand iiplanet! Numae leider raegnets grad:-(... na ja, so isch das haut im Herbscht... aber heiss isches trotzdaem!
Auso, z Sydney hei mer ar Bondi Beach uebernachtet, doert isches vou abgangae und i gloubae so nes haesslechs Zimmer hei mer nidemou z Indie gha, baeh! Si de ei Tag lang z Sydney umeglatscht und am noechschtae Tag gmuetlech witergfahrae richtig Nordae, und si no ar Manly Beach go Badae... hei ues de no ae Bitz verfahrae, das gits haut ou oepae, und si de numae bis Belmont am Lake Macquarie cho. Am noechschtae Tag si mer de gad a Newcastle verbi gfahrae und si zum Port Stephens, nach Anna Bay, zu dae Worimi Moving Dunes. Doert haett mae auso choenae inaefahrae, aber natuerlech numae mit 4WD, und de si mer haut wider mu z Fuess loss zottelet u chli dae Duenae umaegwanderet... das isch mega schoen gsi! Am Obae si mer de z Port Macquarie acho, si am Obae no chli aem Meer entlang glofae uf dr Suechi nach Dolphins, hei natuerlech keni gseh, drfuer ganz viu Flughueng... am Morgae si mer i Raegaewaud chli go umaeluegae und si naer gaegae Mittag witergfahrae Richtig Byron Bay... doert hei mer de auerdings nueme zum pennae gfungae und si naer is noechschtae chlinae Kaff ines Motel.
Am noechschtae Tag si mer witer nach Noosa gfahrae, mit Stop z Surfers Paradise, aber z Brisbane si mer duerae gfahrae, und doert z Noosa hei mer geschter ae Kameu Usritt gmacht, das isch no kuul gsi, si duerae Busch fuehrae as Meer grittae. Kameu si auso vou kuul gsi, ueses het Gobi gheissae und dr Rocky vor ues isch auso vou ae Star, dae macht naemlech bi Nims Island mit, wo jetz gad im Chino chunnt:-)!
Geschter nomi si mer de witergfahrae nach Hervey Bay, und morn machae mer ae Usflug nach Fraser Island... u naer mueasse mer ues de aeuae scho gli ufae Rueckwaeg nach Melbourne machae;-(!

Kambodscha - Singapur - Australien

Huuuhuuuu! okey, das isch jetz aes bitzeli Schiesse, wiu d Foeteli si wuerklech aui chruez und quer, has widermou nid so im Griff gha... und dummerwiis hei mer ungerdessae scho wider sooo viu gseh, i weis aeuae vor heufti vo dae Biuder gar nuem wases gsi isch! Eh ja nu, i probieres jetz mou...

Ah, das isch z Singapur gsi, Chinatown...
Und no gad d Skyline, aebaefaus vo Singapur!
Ja, das isch dr Pool vo uesem tuerae Hotel, em Reef Resort, z Sihanoukville z Kambodscha!
Uesae letscht Obae z Cambodia, mitem Dave vo Victoria, Canada und dr Rolae usem Seeland...
Ah isch die nid schnuselig, Priscilla im Cleland Wildlife Park i dae Adelaide Hills z Australie...
Ein Baby-Roo:-)

Das isch dr Merlion, s Wahrzeichae vo Singapur...
Aes paar Laedae, uf ueserae Sigtseeingtour z Singpur....
S War Memorial z Singapur... 1 Pfiler fuer d Malay, 1 fuer d Inder, 1 fuer d Thay und einae fuer d Minderheite...
Uesae pinkig Hippo-Sightseeing-Tour-Bus...
Uhh, jetz wirds schwirig... hmm, das isch ufem waeg vo Adelaide nach Melburn gsi... aecht im Grampian National Park? Weis nuem mues de im LP go nochae laesae...

Das isch Kasia woni miterae z Italiae zaemaegschaffet ha... si het ae chlinae Stadtrundgang gmacht mit ues, aber houprsaechlech hei mer ae Beizaetourgmacht;-)!
Das isch ufem Mount Lofty, nachdaemmer im Cleland Park si gsi. Mi gsehts leider nid so guet, sisch chlei chli, aber ufem Foto gsaech maeh Adelaide...
Das isch es, ehm, Enchidna...?
Chrigi am Kangaroo fueetterae... u die hei sech sogar lo kraulae... im Park natuerlech;-)!

Das isch a uesem 2 Tag z Adelaide gsi, do hei mer ae Usflug is Barossa Valley gmacht u si es paar Vineyards go aaluaegae und hei saeubschtverstaendlech ou Wii probiert (hei auerdings keinae poschtet...)
Das numae so das dr nid vergaesset wie mer usgseh;-)...
Oehm, das weisi nuem wasi gfoetelet ha, und wieso idas ufaegladae ha... aeuae eifach waeg dr Landschaft... auso d Foetlei wo jetz choemae si vor Great Ocean Road!

Auso das isch no vom Botanic Garden z Singapur...

Ah, 12 Apostels...

Auso jetz wuesset dr jo ou scho gad was mer ir letschtae so gmacht hei... si vo Cambodia nach Singapur gflogae u hei doert 2 Taeg verbrocht. U das isch auso scho gad ae raechtae ungerschid gsi... z Singapur hets ploetzlech mega viu Luet gha und Hochhueser und sueberer isches natuerlech ou gsi, aber vorauem tuerer! Dae autae Ziitae Waegae si mer de is indischae Viertu ines Hostel, u doert hets aecht gwimmlet vo Inder, und gschmoeckt hets ou nach Curry, aber schuesch isches gar nid z verglichae gsi... naer isches de witergangae mitem Flugi nach Melbourne, doert si mer am Morgae frueah acho u si fasch iigfrorae, hei auso gad uesi gfaktae NorthFace-Jaggaenae uspackt! Hei am Flughafae aes Outogmietet u si gad losgfahrae i Richtig Adelaide, s Kash go bsuechae!

Saeubschtverstaendlech si mer aer Great Ocean Road nochae gfahrae, hei uesi erschti Begaegnig mitemnae laebigae (hei vorher scho ganz viu toti am Strossaerand gseh) Kaengi gha, hei de ungerwaegs i irgendemnae Kaff uebernachtet (am 9i am Obae isch scho aues zueh gsi, u mir hei mit Mueh und Not no oepis z Aessae gfungae) u di de am noechschtae Tag am Obae z Adelaide acho...

Z Adelaide si mer 3 Tag (1. Tag hei mer City-Sightseeing gmacht, am 2. si mer is Barossa Valley und am 3. si mer nach Glenelg ad Beach und naer id Adelaide Hills) blibae und vorgeschter, am Samschti si mer de quer duers Land vo Adelaide nach Melbourne kesslet... Geschter hei mer ues de mitem Boris troffae, das isch sonae richtigae Melbournian wo mer z Vietnam uf dr Ha Long Bay-Tour kennaeglert hei, und dae het ues de dr ganz Tag Melbourne zeigt. Isch auso super gsi, hei im nae mega feinae Veggie-Restaurant z St.Kilda gaessae und hei im Hafae Mini-Pinguinae gseh und am Obae hei ues aunae Bei weh to;-)!

Jo und jetz si mer aebae huet nach Canberra gfahrae, morn machae mer wider ae Walkingtour und am Nomi fahrae mer witer nach Sidney...