Gurtä, Grillierä und so ...

Auuuuusooo, mit was vö mer a? I bi auso vou im Schuss ir letschti, ligt äuä drannä das mi mi Job nid äso forderet;-)!
Samschti ufä Sunnti hei mer auso z Täuffälä am See grilliert! I has auso super luschtig gfungä! Schad isch gsi, das d Tischä u Füürsteu scho vor Täuffäler-Jugend fürs 24-Stungä-Grillierä si bsetzt gsi... D Musig het mi zwar nid wahnsinnig gstört, aber si hätt sä auso nid umbedingt bis am 6i am Morgä müässä lo loufä! Und für was genau nimmt mä Playstation mit a See? Blibet doch nöchscht mou eifach deheimä!
Äbä jo, wo bini gsi, wie gseit, mir, auso dr Hert Chärn;-), d Sarah, Martina, Sonja, Chrigi u ig hei am See gschlofä! I ha auso rächt guet gschlofä, ha vou heiss gha trotzt em kabuttä Riisverschluss und ha eifach au Haubstung müässä Position wächslä wiu mer aus het weh gmacht! Jo mi sött nid meinä dasi sött abghertet si, vo wägä herti Matratzä und so... Na ja, spiut kei Rouä, woni de am Morgä bi ufgstangä het mer eh aues weh gmacht! Ha huerä Muskukater u blaui Bülä vom Volleybau spilä! Jooo, mi sötts vilech losi wemers nid cha;-), aber d Sonja, Jerömli und ig hei säubschtverständlech gwunnä gägä Sarahs männlechi Verwandtschaft, aber si hei sech auso Wacker gschlagä, hehe!
Auso für d Schmärzä z vergässä bi ni de am Morgä früäh gad i chaaaauuuut See gumpet! U die angerä hei zuegluegt... Tsss!
När hets Kafi u Schoggi-Mocca-Baileys-Cae zum Zmorgä gäh... mmmjami, Säru dä hesch super gmacht!

Am Friti bini mit dr Diana, Küsu, Fanky u Brüneli z Sutz ar Beach Party gsi, wie letscht Johr! Leider hani eis zviu drunkä und weis nüm wasi aus für Seich verzeut ha! Aber dir kennet mi jo;-)! Und es isch uf jedä Fau luschtig gsi, und nöchscht Johr machä mer de das gad wider!

Donnschti isch jetz auso offiziell Karaoke-Obä (auso i gangä mit dr Martina is Nelson d Lüt go uslachä wo versuechä z singä;-) und am Mittwuch isch Usgang z Längnou agseit (mit dr Isa u de schribä mer amä SMS wo mer nid söttä).

Hie no äs paar Föteli vo mirä Gurtä-Premierä. Mir si auso numä am Sunnti gsi, usser Bagatello u em Herbert Grönemeyer hani niemer kennt, aber sisch glich kuul gsi und dr Rägä het üs auso ou nid auzu fescht gstört... dä isch jo ou scho gli wider dürä gsi u d Marä und i hei sehr intressanti Gspräch im Gras gha, mir hei auso ke Spiuwiisä, ehm Liebesnäscht meini, brucht;-)!

S Grosi isch auso ou do gsi...
U s Dinäli ou, hihi;-)
Biene Maja u dr Schlumpf ou...

U natürlech dr Räscht vo Bagatello und... dr George! ... Wenn d Sunnä hingerm Jura ungergeit... lalala
Ach jo u dr Baudi un Katja hei mer ou no aatroffä!
S Schwesi mit ihrem säuber gfungänä Miuch-Zmorgä-Täschli! (Auso nid klauet - gfungä!)
Und nomou d Christine mitem Herbi im Hingergrund, uf dr Liinwand!

Und das isch no geschter am Obä. D Sonja het sogar äs Tischli gha!

Mmmh, merci übrigens no für au die feinä Sachä wo dr mitbrocht heit! Vo wäm isch scho wider dä fein Teigwarä-Salat gsi;-)?

Das wär auso dr ganz Klan... ah nei Moment, s fäut öper!
Hm?
Ah hie si si, die 2 heimer no gfäut;-)!
Uuuu, d Martina hets luschtig gha:-)!

So das wärs de wider mou gsi, für nes Wiili! Tschüüüsss

Hochzit und Geburinä

Ach i ha doch gwüsst das no äs paar spannendi Sachä si passiert ir letschti... ;-)

Taataaaa: Pia und Peschä hei äääändlech ghürotä!


Dr Narym het auso ou dörfä cho!

Und die 4 Paradiesvögu hei ou chönnä drbi si;-)! Mmh, äs feins Apero hets ou gäh!

Und d Tubä si gflogä...

Ahhh jo, ä witerä wichtigä Event: mini Schwe isch wider hei cho!!! Juhuuuu!

Und taataa, scho wider äs Hochzit! Mini Cousinä s Gögi, und dr Mäsi! Sooo härzig!

S Gögi mit Gotti!

Und das wäri de no s Martinchen, bir Sarah am Geburi! Aprpos, s Martinchen het auso ou no Geburi gha und isch ou 25gi wordä! Iiih huerä aut;-)!

Häppi Börsdei Säru! Du chlinä Süffu!

Und d Sarah am Gschänkli uspackä! Die het si sech auso verdient nach däm si üs sones feins Apero ufgsteut het, und de erscht no aues säuber gmacht! mmh!

Neus us mim Läbä;-)

Okey okey okey, i gibes jo zue, i bi im Moment gad gar nid flissig... aber das ligt numä drannä das, das bi mir so waaaahnsinnig viu passiert (gspüret dr dr Sarkasmus?). Hani scho erähnt dasi vo mirä Reis zrugg bi, und dases mi ächli aaschisst? Hani scho? Ah jo, das isch jo ou scho wider nüm nöi... Ach jo i bi auso scho wider ar nöchschtä Reis planä, u dir heit mir jo aui ganz nätt ghulfä abstimmä;-)! Südamerika het gwunnä!!! Na ja, aber im Moment tändieri doch eher zu Indonesiä! Wär chunt mit? Wär sponsoret?
Apropos sponsorä, i bi auso jetz wider flissig am schaffä (wie geng). Ha auso 3 Wuchä Schrübli ipackt bisis nüm ha chönnä gseh... när hani ar 3 Wuchä während dr EM Pommes verchouft, bisi ou das nüm ha chönne gseh, geschweige denn schmöckä. När hani auso gad ä nahtlosä Übergang id Omega (wartä jetz druf das mi dr Herr Hayek entdeckt) gmacht, und dir gloubets nid, aber dört dueni scho wider Schrübli ipackä... na ja, näbscht angernä Sachä, gägenüber em Stryker isches auso scho wider ä Steigerig;-)!
Jooo... doch das wär öpä scho aues... aaaah jo i ha no Föteli:-)! Ah nei, doch nid, muess zersch dr Akku ladä...:-(... de äs angers mou!