Thun

Hüt berchömä d Chäntlä, d Melä u ig ä exklusivi Füährig dür Thun, vor meh oder weniger Iheimischä Martina! Bis jetz heimers auerdings numä bis id Beiz gschafft;-)!

Äs paar Föteli...

Dr Giro...



Das isch dr Bsitzer vor Bar z Bodio. Isch auso ganz ä liäbä, het üs immer Drinks spendiert und usserdäm chaner Dütsch: äs grosses Plus;-)!



Z Como am Pizza ässä...


Vo links: Kasia, Evely und Fabienne



... ufem See...




... und am lädälä...

(Het auso fasch keni Lüt gha z Como)


Abendlächä Usflug nach Monte Sacro (oder so)...

Obästimmig...

Weide und dr gross Ritplatz...

Dr Innähof...

Stallgang...

D Ludi...

Das isch auso üsä Cleaning-Maniac! Das heisst auso, si het üs geng zämägschissä mir Putzä zweni, aber si säuber het auso nie ä Bäsä aglängt...

Lago di Varese

Dr Stau vom Ritplatz ungä ufä

ä Chiuchä z Varese

Ussicht vo üsem "Baukon"

Wemä guät luägt, gseht mes Piry im 2. Stau;-)


Milano

Mir si wider do!

Geschter am Nomi am haubi 5 si s Piry, d Fabienne u ig ändlech im Römerhof acho! Planet wär gsi, das mer am Nüni am Morgä abfahrä... Das hei mer aber säubschtverständlech nid gschafft, si de schlußändlech ersch am 10.30 abgfahrä u hei när no i Supermarkt müäßä u no d Ludi, Kasia u d Evely nach Varese brocht! Für id Stadt inä hets natürlech mega Stou gha, i ha mi huerä ufgregt.... Si de haut erscht am 12i über Gränzä cho, aber ou das mou heimer keni Problem gha, bi inä mini Stämpflä go holä u diä hei Piro nidmou agluägt. Hätt auso no äs zwöits Roß chönnä mitnäh;-)!
Säubschtverständlech hets afo Rägnä sobaud mer ir CH si gsi u wo mer nachem Gotthard bir Raschtstätt usä si, hei mer em Piry müäßä go d Dechi alegä wiu si so gschlotteret het, und d Fabienne u i hei auso ou chaut gha, i üsnä Summerchleider. Mir hei z Bodio sicher öpä 20 Grad meh gha... Na ja, wär äuä glich gschider dört blibä;-)! Eh, aber schins söu jo dr Summer ir Schwiz ou no cho!

Im Usgang...

Nachdäm i geschter am Nomi äs ca. 4 Stündigs Nickerchen ha gmacht, bini natürlech am Obä topfit u motiviert gsi für i Usgang... Mir 3, d Ludi, Kashia (photo) u ig, si go zNacht äßä, u när wider id Bar z Bodio! Är Ludi hets dört auerdings nid gfauä u de si mer mit so äs par Typä witer inä angeri Bar. Isch jo nid schlächt gsi, aber dört hets när eifach fasch keni Lüt gha... Nach öpä 2 Minutä het d Ludi gfungä si wöu hei, u das hani natürlech galant ignoriert, schließlech si mer erscht gad cho und mir si jo numä wägä ihrä i diä Bar! Na ja, uf jedä Fau isch si när eifach gangä, ohni öpis z sägä! Blödi Zickä!
D Kashia het sech när aus DJ betätiget, und i ha mi mit äs paar 20jährigä ungerhautä - uf italiänisch, natürlech;-)(nei, i cha auso geng nonid tschinggisch, aber i duä amä so chli öpis zämäbrösmälä)!
Isch auso ä meeega spannendä und erfougrichä Obä gsi... Eh, mir heis ömu luschtig gha, und am 3 het üs de dr Luca, dr Bsitzer vor 2. Bar heichauffiert!
Jetz bini deheim am umähangä, äs herrscht augemeini Demotivation für öpis z machä...
I ha jetz auso mini letschti Wuchä vormer, chumä definitiv am nöchschtä Mänti hei!

Bodio Lomnago

So, sisch widermou ziit für nä Iitrag, wiu jo bi mir geng sooo viu spannends passiert:-)!
Auso fangs no für aui zur Ufklärig: i ha im letscht Bitrag gschribä, das weni heichumä, machi zerscht mou ä Rundi Ferie! Mit "Ferie" meini natürlech äs paar Tag deheimä blibä und fulänzä, und nid 3 Wuchä All-inclusiv-Ferie ir Karibik, obwou mer das natürlech besser würd gfauä;-)! Numä so für die wos fausch Verstangä hei...
I ha jetz auso entschidä weni wott heicho, auerdings muäsis de no genauer mit dr Fabienne (mis Taxi:-)) abklärä... S chasech aso numä no um Jahre handlä! I wius de natürlech mitteilä sobaudis genau weis!
Am Sunnti am Obä hei sech d Kasia (diä Nöii vo Australiä) u ig is Füdlä gstüpft u hei üs ufä Wäg für id Bar in Lomnago gmacht! Hei auso numä öpä 1 Stung gha, geit jo no gad! I bi äbä scho mou dört gsi und kennä drum dr Bsitzer, dr Giro, wo übrigens dütsch und änglisch cha (Usnahmefau;-)). Är het de üs 2 Armä säubstverständlech gad mit Bier versorgt... Und de isches de haut scho chli luschtig wordä! Mir hei mit äs paar Italos, Dart gspiut, aber mit dr Kommunikation klappets haut glich nid so guät... Us witzigä isch, das ig, wo jo gar nid italiänisch cha, geng für d Kasia ha müässä übersetzä! Eh jo, mit chli Aukohou wird doch aues eifacher;-)...
Si de auerdings scho gli, so um die 1 umä, wider heidrohlet, zum Glück ischs numä gäg abä gangä u ir Höufti het üs de no einä vo üsnä nöiä Kumpanä ufgablet u heibrocht! Und am Mänti Morgä hei mer natürlech gaaanz lang gschloffä;-)...

I chumä...

Voilà, widermou äs Föteli vom Piry uf Wunsch vom Nici! Wiä mä gseht freut si sech ou druf heizcho;-)! Das wärä auso no diä Nöischtä News (für die wos nonid wüssä): i chumä auso definitiv i eim Monet hei:-)! Jo, i freuä mi ganz ehrläch mega, aber uf dr angerä Sitä bini huärä enttüscht, dasis hie nid cha düräzieh! I ha haut scho planet für lenger z blibä, schüsch hätti jo nid mi ganz Kram (u mis Ross u däm si Kram) do abägschleppt!
Eh jo guät, jetz weit dr sicher no aui ganz genau wüßä wieso;-)??? Hm, jo auso wo söui afo...
Siti hie bi, bini fang 2 mou im Usgang gsi, und einisch drvo isch sonä Grosi-Tanzalaß gsi wo mer mitem Vito, üsere 70-jährige Stauhiuf si gsi;-)! Und i ha hiä aso ou dementsprechend viu Lüt kenneglehrt: keni!
Sit mis Outo verschrottet isch hani auso ke Müglechkeit vor Scuderia wäg zcho, ußer z Fuäss, u dir wüßet jo, wie wahnsinnig sportlech i bi! U mit em Ross darfi äbä ou nid go usritä, u dr Grund wieso hani geng nonid böget! Bi natürlech glich scho ussä mit em Piry u i ha ke angeri Müglechkeit ufem Velowäg wo umä See füährt z ritä! Isch ou nid so toll...
Aber dr absolut oberhammer isch, dasi am Obä nüm darf ritä!! Äs sigi z gfährlech wenn niemer hie isch (drbi si jo mini Mitbewohner geng hie) und usserdäm sig dr Stau am Obä zuä, u de heig kes Roß meh usä z cho! I chönn auso am Morgä vorem schaffä (klar i sto jedä Tag am 5i uf für go z ritä) oder überä Mittag (isch jo gar nid heiß, und zuä hei mer jo denn eigentlech ou) ritä!
U das ganzä isch nä jo ou ersch i Sinn cho, nachdämi mis Ross übernä Monet jedä Obä ha usä gno! Blödi Tschinggä!
Jo u äbä, jetz chumi haut wider hei! Platz fürs Piry hani reserviert;-), aber schüsch weisi no gar nid wasi wott machä... Garantiert mou äs paar Tag Ferie:-)!

Angelica

Das isch eini vo üsnä nöiiä Mitarbeiterä gsi! Si het nämlech numä sit eirä Wuchä hiä gschaffet und hüt isch si scho wider nüm cho!
Sisch ärä zweni Lohn und nid mou si (wo jo Italiänerä isch) hätt ä Arbeitsvertrag bercho...
I bi auerdings super mit ihrä uscho, si geschter zämä go lädälä und do ufem Foto machä mer gad ä Chirsisteiwitspuckmatch:-)! I ha säubstverständlech gwunnä! Drfür hani bim Gorbsimatch verlorä... Jojo mir hei numä Seich im Gring;-)!

Casorate zum 3.

Das isch auso üses supertollä Camion! Vorä hets ä mega grossä Läbensruum mit Duschi u Chuchi, 2 Bett u usfahrbahrem Ässberich, und hingä inä hei 6 Ross platz (u das isch de amä dört wo ig schlofä, a dä Turnier!)
Do si mer jetz gad wider z Casorate (das isch am Sunnti gsi), dasmou mit 12 Ross, aber drfür si mer ou z Zwöit! S het wider ä nöii gäh, d Ludi! Si isch 22gi, Italiännerä, u cha nid änglisch, drfür franz! Super, jetz hani auso äs totaus Sprachägnusch u redä jetz eifach mit aunä Dütsch;-)...

Im Gambrinus...

Das isch auso no äs Föteli vom Sunnti Obä, woni no ir Schwiz bi gsi... I weis i weis i ha geng chli Verspötig mit minä Iiträg!
I bi aso am Samschti nomi auso Problemlos und ohni Verspötig z Bieu acho u bi när gad witer uf Längnou mit dr Melä, a üsi Klaßäzämäkunft! Isch aso no luschtig gsi aui diä Lüt widermou z gseh u diä autä Föteli azluägä! S hei sech aui mega veränderet *grins*!
D Melä u i si auerdings as erschts wider gangä, hei schließlech no as Stedtlifescht müäßä;-)! Het mi auso gfreut widermou äs paar bekannti Gsichter z gseh! Mir si gloub öpä am 4i deheim gsi, u öpä denn si mir de ou wider, meh oder weniger verkateret(d Melä meh u ig wenige;-)) ufgstangä!
När hets äs feins Raclette bi minä Eutärä gäh und mini Adoptivschwoscht:-) (Sabä) isch ou no verbi cho! Am Obä si mer när eis go zieh uf Bieu.
Mänti Morgä bi ni mitem Nici go zmörgälä u mir si aso scho die nöchschti Reis am planä, hihi! Mittag bini nomou mit minä Eutärä go äßä, när schnäu chli go lädälä und schwups bini scho wider im Zug nach Italiä ghöcklet! Ach, sones streßigs Weekend...

Schwiz i chumä!

Yeah, äs isch ungloublech i has doch no i Zug gschafft u bi jetz ändlech ufem Heiwäg, ha scho fasch nüm dra gloubt! I bi auso ufem Wäg a mini Klaßäzämäkunft (diä erschti sit 9 Johr, das chani jo nid verpaßä;-)) für die wos nonid wüßä... 
Äääh, i dräiä dürä, jetz hets mer gad dr ganz nid gspicheret Text glöschä, wiu mer mini nätti Schwoscht het aglütä! Drbi hani gad so schön über die fählendi Intelligänz vom Tschinggischä Vouk (diä gschidä si äbä aui ir CH;-)) abgläschteret! Eh i duä nechs de verzöuä, sich numä ums organisierä vo mim Zugbillet gangä, die einti het mi ufä 22stündigi Zugfahrt (Milano-Bratislava-Wien-Biel) wöuä schickä, und mitem anger hani öpä 1 Stung telefoniert (Swißcom het Freud gha) für das er mer när het chönnä sägä i müäs a Bahnhof go! Wie bitte, we mä kes Outdo het und in the middle of nowhere läbt??
Aber jetz bini jo ungerwägs!
Das obä isch d Emilia, wo mis Outo gschrottet het, mit ihrem Häsli! Wiu si u d Mad gli hei gö hei si geschter ihri 2 Häsli wöuä befreiä. Mir hei auso diä 2 Bunnys ir nöchi vom Stau ines Fäud gsetzt und... Si si so unger Schock gstangä das si kei Mucks gmacht hei! Si hei nid mou Gras gfräßä. Mir hei när beschloßä mir lö sä eifach mou chli älei u schüsch nä mer sä när wider mit! 15 Minutä spöter si mer wider go luägä u si si beidi wäg gsi! Mir hei kei Chüngu meh gseh... Numä ä Chatz! Und... Die Chatz het doch tatsächlech dr eint Häsu killet:-(! Huärä kraß! Hätt jetz nie dänkt das ä Chatz ä Chüngu würd fräßä! Äs mega Schreck-Erläbnis:-(! Armi Häsli! I hoffä mou dr zwöit het sich grettet!

Mi Bsuäch!

Das wär auso no äs Föteli vom letschtä Sunnti... Da s jo leider pisset het, hei mer nid so viu gmacht, numä Glacä gäßä u is Nöchschtä Ichoufszentrum go lädälä (jetz hani ändlech äs Scart-Kabu u cha DVD luägä) u am Obä simer de wider mitem Taxi id Stadt u när eis go zieh, u dasmou het dr Barkeeper nid mou dr Rum mitem Tequilla verwächslet;-)!

Chäntlä und Melä

Und am (Samschti)Obä isch de ändlech, nach lengerem Suächä und chlinerä Panikattackä, mi Bsuäch acho, juhui! Und näbscht ganz viu feinä Sachä und Gschänkli hei si ou no dr Rägä mitbrocht, tss...
Ig ha auso fertig gschäfferlet während sech die 3 Damä (d Celine isch ou no drbi gsi) äs Pöiseli gönnt hei! När hei mer üs de uf d Suächi nach em Hotel begäh, wo uf dr angerä Sitä vom See isch, und erstunlecherwiis hei mer üs gar nid verfahrä;-)! Oder?
Wie im Internet versprochä isch s Hotel am See gsi! Mit Sicht ufä 10 km entfärnt See isch jo ou am See, oder?
Nachdäm sech diä Damä im Hotel igrichtet hei, hei mer äs Taxi bsteut u si nach Varese go z Nacht äßä u eis go zieh! Obwous Samschti Obä isch gsi, simer scho gli wider hei, da i am Sunnti gaaanz früäh (nei auso würklech früäh, am haubi 5i) ha ufmüäßä... Bi auso de fang am haubi 2 deheimä gsi, wiu mer chlineri Schwirigkeitä hei gha äs Taxi zfingä! Die gits jo z Varese maßähaft gemäß em Empfangsfrölein im Hotel... Aber nid mou am Bahnhof hei mer eis gfungä! Na ja!
Eh jo, bi de am Sunnti haut dementsprächend Müäd gsi, aber mir heis ömu luschtig gha! Schöni Mannä hei mer auerdings nid gfungä... Ah u übrigens, a aui Mannä: längi Hoor u Hoorreifä isch dr nöi Trend;-)! Und numä chlei schwul...

Mad am Zuckerwattä ässä...

Am Samschti hei mer i üsärä Ponyschuäu ä riisä Event gha! D Eutärä (numä zur Info, das si aus sörigi mit Porsches und Silikonimplantat) vo dä Riitschüäler hei gfungä si wei chli Reklamä für üsä Stau machä u hei äs Feschtli organisiert! S Fernseh hätt söuä cho u diä besserä Schüäler fiumä, us unerklärlächä Gründ si si aber nid cho, u i ha mi für nüt schön gmacht;-)! U die 100 Ching wo si erwartet hei für cho Pony z ritä si ou nid cho... Das Fescht isch auso so zimlech id Hosä! Aber immerhin hei mer Zuckerwattä (hani säubschtverständlech mitem Piry wöuä teilä, aber si het nid wöuä probierä) bercho und z tüä hei mer o nid soo viu gha...;-)

Mis Starlet...:-(

Hm, kei Ahnig, wasi gmacht ha, aber schiinbar funzt jetz mi Blog wider... S het nämlech sit em letscht Iitrag nüme klappet! Ha auso nid nüm gschribä wiui eifach z Fuu bi gsi!!!
Auso, das isch dr Gägäwärtig zuästang vo mim Outo:-(, und demnächscht wirds verschrottet! I weis, i weis, mis erschtä Outo het nid so lang gläbt, knappi 3 Mönet... Aber drzuä muäsi sägä, i bi absolut unschuldig!!!
I bi letscht Mäntig mit dr Emi und dr Nyth gonä TV u äs Dvd-grät poschtä u ganz viu Fiumä, Chips und Bier! Mir hei auso ä ganz ä gmüätlächä TV-Obä planet! Während ig dußä mit mim Pferdel bi beschäftiget gsi, hei diä 2 Mädels versuächt dr Fernseh zum loufä z bringä (was si übrigens ou nid gschafft hei, wiusi s Fernsehaschlußkabu nid iigsteckt hei, zzz) und hei de gli mou usägfungä das mer äs dvd - tv Verbindigskabu müäßä go poschtä! U de si äbä diä 2 äleini loszogä, mit mim Outo, wiu mer jo schüsch keis hei hiä!
Öpä ä Stung spöter isch de d Nythya älei zrugg cho, het gseit si heig ä Unfau gha u i has zersch gar nid tschegget... Aber när bini de gsecklet! Sisch numä öpä 100m vom Stau wäg gsi. Ihnä zwöinä isch zum Glück nid viu paßiert, si si mit dr Ambulanz is Spitau u i ha är Chefi aaglütä, ha uf Polizei und ufs Abschlepiouto gwartet! Ah jo, ud Füürwehr (het aber keni heißä Typä gha) isch ou no cho, zum dr Telefonmascht sichärä, wo si drigfahrä si... Sisch auso im ganzä Viertu s Telnetz usgstigä;-)!
I ha när äs Taxi gno u bi is Spitau düset u ha dört bis am 2 gwarted mit mirä Chefin, bis diä 2 ändlech si behandlet wordä. Nachemnä Outounfau het mä schiinbar nid sonä höchi Priorität bi dä Tschinggä:-(...
Jo u das wär öpä so d Gschicht vom tragischä Ändi vo mim Öutöli!

Duomo di Milano

Das isch no äs Föteli vom vorvorvorletscht Mänti, woni mit dr Nythya bi z Mailand gsi!
Mir hei auso Milano uf ahieb gfungä, hei üs dasmou nid verfahrä (nid so wie s letscht Mou wo mer d schwizer Gränzä gsuächt hei) u hei numä 2 U-Turns müäßä machä bevor mers is Parkhuus gschafft hei! Drzuä muäsi no sägä, i darf U-Turns machä u fahrä wienes Dubeli, i bi jo schließlech ä Tourischt! Ganz offäsichtlech mitem Bärnernummero;-)!
Mir si de chli umäspaziert, hei käfelet u Glacä gäßä u hei versuächt üs aui Lädä z merkä wo mer de nomou wei bsuächä wemer de Gäud hei und si dr Dom vo inä go aaluägä! Für ä heiwäg hei mer ca ä Stung gha, u we mer nid im nä ca 10 spurigä mit hupendä Tschinggä vougstopftä Kreisu wärä blibä steckä, wärä mer sicher no schneuer gsi;-)! Milano isch auso gar nid so wiit!

Mi Lieblingsplatz

Mis süäßä Rößli

Na, wär kennt das Ross? Jaaaa, äs isch mis Piry i ihrem nöiiä Stau! Bi meeega froh das si ändlech do isch!
I bi auso am Friti Nomi hiä abgfahrä u so um diä 6i bi minä Eutärä acho! När hani gar nid viu Ziit gha für sä, sondern bi gad witer gfreset i Römerhof, go packä, während mi Papi deheim mini Winterreifä gwächslet het! Scho gäbig so Eutärä;-)!
Ha auso mis ganzä Bagage (mann, ha gar nid gwüßt dasi so viu ha) zämäpackt im Stau u aus parat gmacht für am Morgä u när bini hei mis Outo go holä u gad witer uf Bieu go äßä! Dört hei mer de sämtlächi Horrorsituationä wo üs am italiänischä Zou (da die mi nid so gärn hei, bi scho 3 Mou kontrolliert wordä) chönntä erwartä dürädiskuuiert! Zum Glück isches kes Problem gsi u i ha mini Connections zum Zouamt und zur Panalpina nid müäßä usnützä;-)!
I bi auso am nöchschtä Morgä s Nici am Viertu ab 5 go abholä, am haubi 6i hei mer üs mit dr Fabienne im Römerhof troffä u pünktlech am 6i hei mer wie planet chönnä abfahrä!
I bi de noeinisch hei go s Impfbüächli holä u mi go verabschidä u när bini är Fabä u är Nicä hingä nochä gfahrä, aber i ha sä erscht z Luzärn chönnä iholä, diä 2 si äuä gfreset wie ä Morä;-)!
När bini aues, bis nachem Gotthard hingä drannä blibä u ha mis Pferdl beobachtet, u si het sech auso entgägä aunä Erwartigä sehr guät beno!
Nachem Tunnu ha ig d Füährig übernoh u mir si ca am 11i ar Gränzä z Stabio, bir CH-Gränzä si mer eifach dürägfahrä, isch niämer umägsi... Hei när bi dä Tschinggä aghautä u diä hei mi sogar scho kennt wiui am Tag vorhär scho gfrogt ha öb dr Zou am Samschti offä isch für Transportä (am Sunnti isch jo zuä, drum hei mer das ganzä ufä Samschti verschobä)! När hani schnäu ä Stämpfu ir CH u einä z Italiä müäßä go holä u scho simer dürä gsi! U si hei nid mou i Transporter oder i Pass gluägt! So eifach!
Haubstung spöter si mer im Stau gsi u ou dört het sech s Piry ganz guät benoh, isch numä cili närvös gsi! Si benimmt sech ou jetz ganz guät, obwou Box haut scho chlei chli isch! Aber i ha sä jetz beid Öbä uf d Weid glo u gangä flißig zuärä oder go loufä, damit särä nid längwillig wird!
U si isch so härzig, mega ahängläch, weni mitärä uf dr Weid bi fouget si mer überau härä u trabet mer nochä! Das het si deheim jo nie gmacht! Ach, mis Schätzli!

Betta & City Boy

Sisch leider nid sones guäts Föteli aber das wär jetz auso mini Chefi, ar erschtä Dreßurprüäfig z Kreuth! Sisch auso super hie, ändlech verstohni d Lüt wider;-), auerdings chani scho fasch nüm dütsch:-(! Verdräiä ganz Ziit Sätz und mixä änglischi Wörter dri... A jo, u s italiänisch hani auso ou nonid tschegget!
Vo Mittwuch uf Donschti si mer auso mit 4 Roß is Dütschä gfahrä u mir hei auso numä 12 Stung gha! Üsä nöi super toll tür Transporter het drum äs Gschwindikeitslimit vo 90kmh! Schnarch!
Sisch auso nid so asträngend mit numä 4 Roß, ha ganz flißig Pousä. Ha äs par Dreßurprüäfigä gluägt, u i muäs sägä äs gseht mega eifach us! Auso nid das igs chönnt;-)! Schritt Trab Gallop i verschidänä Tämpo, Volte, Halt, Rückwärts für 1 Stärn und zuäsätzlech Schulterherein, Füdlähinein, Ußägallop u chli schwirigeri Übergäng für 2 Stärn Prüäfigä! Dönt doch nid so schwär, oder? Na ja dä meischtä seits jo äuä eh nüt;-)!
Auso nöchscht Weekend isches Turnier z Rom, aber i darf nid mit:-(! Wiu i cha hei cho s Piry holä, juhui:-)!!! Fahrä Samschti Mittag hiä ab u wenns klappt bini am 4i deheim! Wär chunnt mit i Usgang;-)?
Bis baud

Ravenna

So i bi auso geschter z Obä ändlech, haub tot , vo Ravenna hei cho! Ha ä wunderschönä Sunnäbrand u ca 200 Muggästichä mit hei brocht! S Meer hani leider gar nid gseh, hät 5 km müäßä loufä, u für das bini eidütig viu z müäd gsi am Obä!
Das do obä wär auso eis vo minä Rößli, dr Lion Dancer, är isch auerdings am erschtä Tag, nach dr Dreßurprüäfig usgschidä! Diä angerä 5 si ok gsi, aber mir hei numä 1 Platzierig (10 Rang) gha!
Mir hets eigentlech no gfauä, döumou het mä eifach gad 3 Roß mitnang wo usä oder versorgt wärdä müäßä! U das isch jetz mi erscht 3-Day-Event gsi, s het mer eifach chli ar Organisation gfäut... Döumou hani auerdings ou gar nüt z tüä gha, u de bini mou go s Croßcountry luägä. Isch auso sehr beängschtigend, i hätt mega schiß über die Hinderniß, wiu si aui Fix si, u sicher ä 3tu vo dä Riter flügä abä! Isch definitiv nüt für mi!
Am Samschti Obä hets de no ä Party gä, bi säubschtverständlech gangä mit erä Engländerä woni kennäglehrt ha! Bi aso scho froh, dasi jetz öper kennä wiu zwüschä dürä isches haut scho sehr öd, wenn d Riter wäg si!
U äs si geng öpä diä glichä Lüt wo a die Turnier gö, mit dr Ziit kenni de sicher aui;-)!
So jetz muäsi mou ufstoh, mou luägä was mer aues weh tuät!

Spike

Dä schnuselig Hümpu isch zur Ziit gad mi Zimmerkolleg! Auso die Dechi woner druff schloft wäri eigentlech aus Abtrennig zwüschä sim Teil u mim Teil dänkt gsi, aber är het das natürlech gad ines Bett umfunktioniert;-)!
Mir schlofä auso hingä im Laschtwagä, dört wo d Roß amä si! Das dönt jetz blöd, aber sisch gar nid so schlimm, hanes bett, stinkä duäts nid u i ha mi ganz persönlich Wachhung;-)! Ha auso scho schlimmeri Bett erläbt!!! Numä schad das mi Wachhung schnarcht...