S bsoffnigä Rentier

Am Samschti, am Chlousertag, hani no chli mi Geburi nochägfiiret... und zwar bini mit dr Sabä u dr Chrigä uf Bieu id Autstadt go äs Fondue ässä! mmh das isch auso gaaanz guät gsi! När si mer mit vouä Mägä is Gambri drohlet und hei dört no mit Caipis aagstossä und d Celine isch de sogar ou no cho! Ufem letschtä Zug hei, hei mer de no d Isa ufgläsä... is Ricks hei si üs du de doch nüm wöuä lo, so zmizt ir Nacht u so si mer de haut zur Sabä hei no chli go Bacardi schlürfä...
Är Sabä ihrer Wiehnachts Deko isch das offä bar z viu gsi... die isch plötzlech zämäklappet;-)!
Ufem Heiwäg hei mer de no Usschou ghautä nachem Samichlaus, aber dä isch äuä zu derä Ziit scho nüm ungerwägs gsi..

Wiehnachtsmärit Freiburg

Am Samschti am Morgä si mer wahnsinnig früäh ufgstangä und mitem Car uf Freiburg a Wiehnachtsmärit gfahrä. Dört acho hei mir üs aus erscht mitemnä feinä Zmorgä gstercht...

So das mer när bereit si gsi für go z shoppä!

Und das ischs Ergäbnis vo 4 Stung Shopping:

Fertig gschoppet u när isches gad i Glüähwii gangä...

Und das wär üsi Mannschaft: Sonja, Denise, Chrigä, Andrea, Sabä und ig. Numä d Sarah het gfäut...

Das si scho die erschtä Uswürkigä vom Glüähwi...

Und so langsam isch ou aues ganz verschwummä wordä:-)!

Und scho wider ufem Heiwäg: d Sabä het sech aus Coiffeusä versuecht.

Äs witers Wärch vor Sabä!

Andrea u Chrigi si am kuschlä...

Und d Denise und Sonja ou...

D Sonja mit ihrnä iicheuf!

Chli dürädräit!

Und no aaschliessend z Längnou im Ricks...

Haggis, Highlands und Guinness

Wo bini gsi? Ah jo bim Laurie... ok, schliessä mer das Theam ab: Opas ghörä is Autersheim;-)! Zrugg zu dä Scots. Am erscht Obä hei mer auso gad mou d Gägend z Fuäss abtschegget. Hei säubschtverständlech aus erschts öpis feins zässä gsuächt (Fish and Chips) u när hei mer mou gluägt wo die beschtä Lädä si, nachemnä haubä Marathon hei mer när natürlech Duuuuurscht gha und hei üs äs Pup ir Nöchi vo üsem Hostel gsuecht...

Am nöchscht Morgä si mer de relativ früäh (für mini Verhäutniss u am nä Weekend früäh) ufgstangä, hei s Zmorgä verpasst u si de mit lärem Magä zum Castle (mit Umwäg überä Fridhof) gwanderet.

D Martina putz-munter am Morgä früäh!

Edinburgh Castle im Sunnäschin, vo üsem Hostel us...

Fridhof und s Schloss im hingergrund...

Mir hei auso würklech super Schwein gha, sisch nämlech bländends Wätter gsi! Trotzdäm si mer bim Schloss aus 2 Iiswürfeli acho und hei gad ä momentlang vorem Schloss müässä sünnälä... Für nä Burgfüärig si mer de beidi nid so motiviert gsi, und hei drum numä dr Souvenirshop aagluägt: Nessie, Haggis, Fudge, Scotch Terrier, Dudelseck und Schottäröck, aues was mä wett, aber mir hei üs zrugg ghautä u hei nüt poschtet (ganz unerwartet)! Aus nöchschts simer de vom Edinburgh Castle us d Royal Mile ab gloffä, mit Zmittagsstop im nä Pup! Dört hei mir de Zmittag zu üs gno, ig Cottage Pie (naja, dönt besser aus äs gsi isch (Bäh)) und d Martina Curry Riis (totau Schottisch;-), während die räschtlächä Gescht am 11i am Morgä Bier drunkä hei... auso, witer d Royal Mile ab si mer de irgend einisch bim Parlament und em Holyrood Palace, wo sech die königlichi Galerie (si mer natürlech nid go aaluägä) drinnä befindet, acho.

D Royal Mile

Touri vorem schottischä Parlament mitem Holyrood Park Bärgli im Hingergrund.

Dört hani de äs Bärgli gsichtet woni natürlech uuuumbedingt ha wöuä ufächläterä, leider isch d Martina nid so begeischteret gsi;-(! Si de chli i däm Holyrood Park umä spaziert und mir heis sogar haubwägs ufä Arthur's Peak (aui mini Orts- und Namensagabe si unverbindlech;-) ufä gschafft...

Martina i dä Hee(High)lands...

Martina ufem Gipfu! Yeaaah, si hets gschaaaaaft!

aber sisch üs Weicheier de doch zchaut gsi, u so simer de haut so schnäääääuuuu wie möglech wider abä gsecklet und is nöchschtä Starbucks ghocket! Zum ufwärmä! Das hei mir üs schliesslech ou verdient!

Und wider ufem Abstig, näb dr Martina, s Parlament u dr Holyrood Palace vo obä...

När si mer no dür d Waverly Station grennt und uf dr angerä Sitä ar Princes Street go shoppä... auerdings si mer de scho soooo gschaft gsi, das mer nid mou meh hei mögä shoppä und drum hei mer üs när wider mou ines Pup gschmissä,

und d Martina het sogar Haggis, ä Innereiä-Wurscht probiert. Sisch auso nid mou grusig gsi, s het vou nach Bluet u Läberwurscht gschmöckt. Drzue ghörä traditonell Neeps und Tatties, Härdöpfu und Rüäbli. När hei mer üs no a Whisky anägwagt, was zur Foug het gha, das mer scho rächt baud hei müässä go schöfälä...

Am nöchschtä Tag hei mer de äs Usfüährlechs änglischs (schottischs?) Breakfast gha... Eier, Tomatä, Piuzli, Wurscht und Schinkä, Bohnä und ä Huufä Toascht. Kei Panik, äs isch auso scho 11i gsi, sisch auso fasch äs Zmittag gsi! När si mer mitem Bus nach Leith, is Hafäviertu gfahrä, si zum Ocean Terminal und dört chli ir Mall umäghanget, und scho wider hei mer nüt gschoppet... komisch. När si mer am Obä no gonä Whisky Tour machä, sehr interessant, Martinchen und ig kennä üs jetz auso vou us! Mir wüssä jetz ou wie mä Whiskey duet "nose":-)! Bevor mer de mis Geburi-Znacht si go ässä, hets im Fannigans, ehm Finnigans Wake no äs Bierli gäh... (für die wos nid wüssä, das sött mä auso kennä;-)!

Jo und das wärs ou scho gsi vo üsem Nöischtä Abentür... und mir fröiä üs scho ufs Nöchschtä!

Heeland Coos, Kilts, Scotch und Bagpipes

Richtig, das cha nur eis bedütä: Martina und ig sits Schottland gsi! Wie dir auso vilech scho gläsä heit (bir Martina - gschribä unger Iifluss vo Scotch, Guinness und Haggis) het üsä Heiflug 3 Stung verspötig gha... nid so schlimm, wiu i derä Ziit hei mer du sogar no s Gheimniss um d Schottäröck chönnä lüftä! Aber mir düä das jetz nid verratä, vilecht weit dr jo lieber mou säuber go luägä:-)! Uf jedä Fau hets auso gar nid so viu Schottä umägha, auso i meinä eifach keini mit Kilts und rotä längä Hoor und Voubart... das isch jo wou äs totaus Klische! Genau so wie dr Rägä... sogar är Martina ihrä Taschäreisefüährer het gmeint, äs Rägni z Edinburgh immer! Aber nüt isch, mir hei strahlendä Sunnäschin und blauä Himmu gha u dr Rägäschirm hei mer nid einisch müässä fürä näh! Aber chaut isches gsi, brrr! Spezieu ou no wägä üsem neueä Fründ, äm Laurie. Das dönt jetz wienä Ufriss, isch aber kenä. Das isch üsä ungefähr 70jährig australisch Zimmernachbar gsi... dä isch auso sehr gsprächig gsi, liidet aber äuä scho liecht unger Amnesie und het üs drum aues 3mou verzöut. Und het ou immer s Fänschter offä glo ir Nacht, so nätt! Drfür mit Chappä gschlofä, yeah! Wie mir z Darjeeling;-)! Nei sisch auso nid so flott gsi, aber d Martina het sech um das kümmeret;-)! Na das wär jo no eis gsi... aber när het dä no geng so gstööööööhnet ir Nacht... Mir hei haut de amä eifach zrugg gstöhnet. Het leider nüt gnüzt, när het är ou no avo furzä...
Jo so viu zu däm....

Delayed....!

Lueget bir Martina!!!!

Patent Ochsner im Kofmehl z Solothurn

(Das isch jetz ganz witzig, hüt isch dr 24. Ouguscht 2010 und dr Blogger het mer gad mitteilet i heig mi 200. Blogiitrag gschribä... ha mer dänkt, cha doch nid si und ha nochä zeut... tatsächlech bini erscht ca. bim 190igscht! Auso bini go luegä und ha no ä ganzä huufä nie veröffentlechti Iiträg gfungä. Die wotti auso ou niemer vorenthautä. Drum hani mou eine veröffentlecht und siehe da äs wird bim Datum inä do woni dr Iitrag agfangä ha und nid bim aktuellä. Drum chani die Iiträg jetz ou no ohni viu Ufwand inä schmugglä;-)

Hie no d Föteli vo dä Missä...

Kürbisnacht

S Mami u dr Papi si am Friti-Obä no ar Kürbisnacht gsi z Gränchä u i ha natürlech ä Chürbis bsteut.
Da hani de gseschter, nachdäm i dr ganz Tag umä drohlet und mi vom Samschti erhout ha, no bearbeitet und s Resultat isch auso mirä Lunä entsprächend usächo;-):

Semhar Meskell ist Miss Black Suisse 2008

Trotz aller Widerstände - beispielsweise der Vorwurf des Rassismus - wurde gestern erfolgreich die erste Wahl einer dunkelhäutiger Miss Schweiz im Volkshaus in Biel durchgeführt.

Die strahlende Miss Black Suisse Semhar Meskell. (Foto)

Jurymitglied Claudia Wambululu gratuliert der neuen Miss Black Suisse. (Foto)

Die 21-jährige Semhar Meskell aus Aigle ist die glückliche Gewinnerin.
Bei der Bekanntgabe der Siegerin, konnte Semhar vor Glück die Tränen nicht mehr zurückhalten.

Ihre ersten Worte nach dem Sieg: «Ich kann es kaum glauben. Es war viel mehr Arbeit als ich mir vorstellen konnte und es gab auch schwierige Momente. Doch es hat sich gelohnt alles zu geben.»


Plätze zwei und drei

Familie und Angehörige der jungen Siegerin strahlten nur so vor Stolz. Das Siegertreppchen teilt sich Semhar mit der Zweitplatzierten Nadine Oliveira und der Drittplatzierten Jessica Taylor.
Bis es soweit war hatte die Jurymitglieder Claudia Wambululu, Junior Manizao, Mathias Ackermann und Marco Gehrig keine leichte Aufgabe.

Während verschiedenen Durchgängen präsentierten sich die Missen-Anwärterinnen im Casual-Outifit, im Bikini und im Abendkleid. Aussergewöhnlich war der dritte Durchgang in dem die 13 Finalistinnen die Gelegenheit hatten, sich mit einem persönlichen Gegenstand zu präsentieren und so etwas mehr von ihrer Persönlichkeit preiszugeben.

Auch hinter den Kulissen ging es hektisch zu und her. Das Team von Poetics sorgte dafür, dass die angehenden Missen für jeden Durchgang neu gestylt wurden. Auch die Choreographinnen von Art é Danse, die den Frauen mit viel Herzblut die Choreographien beigebracht haben, fieberten mit.

Aber nicht nur die dunkelhäutigen Schönheiten sorgten für eine gute Stimmung. Die Gruppe Ragga Jaoh aus Biel heizte die Zuschauer mit ihrer ausgefallenen Tanzdarbietung an. Durch den Abend führte Claudia Nuara von lokalen TV-Sender «Telebielingue».

Geburi Chrigi + Andrea, 27. Sept. 2008