Mini Närvä...

Huerä siech, jetz simer scho sit 3 tag uf derä inslä, immer no z port blair, u mir chömä eifach nid wäg vo hie:@! Samschti simer glandet u direkt a hafä, sisch natürlech äs national holiday gsi u ticket office gschloßä! Sure sure, hets gheißä, u get tickets on the ferry! Si de ä stung agstangä, aber die huärä inder hei niemer ohni tickets wöuä druflo! Mann, hätt si doch das vo afang a gseit! Die si eifach so öpis vo unorganisert hie...
Hei üs de mit äs par angerä zämädo u si mitem taxi nach wandoor, a nöchscht strand! Dört isch de drfür huärä schön gsi, dschungu bis a strand fürä, keni touris u wunderschönä strand!
Spurä vom Tsunami gseht mä geng no, viu toti böim, land wo geng no ungerwasser und vorauem korauä wo kaputt si!
Ufem photo 2 piratä vor em schnorchäusflug!
Äbä jo si 2 nächt blibä, wiu für am sunnti hei mer eh keni ticket chönnä poschtä, dr manager vo üsen guesthouse het üs de ticket für hüt versprochä! Isch natürlech ä reinfall gsi, what a surprise! Hei zwar dä typ mit dä ticket gfungä, u dä het sogar ticket gha... Aber erscht für morn! Was für nä hohli bridä! U när het är erscht no dr dopplet pris wöuä! Ha mis ganzä fluächwörterrepertoir uspackt, aber i gloub är hets eh nid bögget dä trottu! Und d nämä het är eh aui fausch agäh uf dä ticket, drum si mer am nomi säuber go aschto u hei üs ächti ticket erkämpft! Auso eventuell, mit viu viu viu glück, schaffä mers morn ändlech uf havelock:-)!
Im moment si mer im nä hotel, berchömä aber keni zimmer wiu mer keni accomodation slips, whatever that is, hei! So isch jetz mini schwe u dr carlos los zur nöchschtä tourist office... I hätts gloub nüm usghautä!
Aber äbä, mou abgseh vo au denä närvigä sachä isch ächt geil hie:-D!

Andaman Islands?

Andaman Islands? Scho jemous drvo ghoert??? Auso ig jo nid... das isch auso ae Insuchoetti im Bay of Bengal, und Nicobar Islands ghoerae ou drzuae! Epizentrum vom Tsunami im '04 isch auso ganz hie ir Noechi gsi...
Chrigi und ig und uesi Thurgauer-Gspaenndli hei ganz spontan entschidae, das mer gaern no chli a Strand wei go ligae bevor mer witerreisae und drum si mer huet am Morgae im verraegnaetae Kolkata is Flugi iigstigae und am Haubi 8ti hie z Port Blair bi 26C wider usgstigae!
Am Nomi geits de mit dr Faehrae nach Havelock Island... doert gits vorussichtlech weder Bankae no Internet noTelefon, de ghoeret dr auso erscht am 5.2.08, wemer z Bankok achoemae wider vo ues!
Mues jetz leider go, muaes mer no go Snorkeling Gear choufae, freu freu freu:-)!
Auso machet nech keni Sorgae, mir due fuer euch aui ou chli suennaelae:-)!
Tschuuuueeeessss

Kathmandu - Darjeeling

Bim Shoppe...
Boudha Stupa
Bim trekkae...
Kathmandu Valley
Ussicht vo uesem Hotel, Annapurna Range...

Ueses Elephaentli...

Rhino mit Baby...
Elephant mit Baby...
D Schwoscht bim ueberquerae vorae meeeega schwirigae Bruegg bi uesem Jungle Walk!
Und aes Spinnaeli....

So do bini scho wider... wo bini letscht mou blibe hangae? Z Raxaul? Laeck, das isch jo scho ewigs haer!!! Guaet vo Raxaul si mer de ueber d Graenzae nach Nepal, isch zur Abwaechslig mou absolut keis Problem gsi, d Tatsach das mer keni Foeteli fuers Visa gha hei, hei mer mit 100 Rupie choennae ueberbrueggae:-)! D Busfahrt isch de zwar chli aeng gsi, aber sehr schoeni Landschaft, im Ziggzagg dr eint Baerg uf und aennae wider abae u das waehrend 6 Stung! Aber wie gseit, wuerklech schoen!
Z Kathmandu acho hei mer de ou gad ueses Hotel gfungae, nachdaem mer oepae 10 Nepalese abgwimmlet hei u sae drvo ueberzuegt hei das mers ou aeleini fingae... schuesch haett si de wider Gaeud woeuae. Ueses Hotel isch auso zmitzt im Thamel, Downtown gsi und mir hei seeeehr viu Ziit mit Laedaelae verbrocht:-)! Am erschtae Tag si mer dr Boudha Stupa go aaluaegae, u am 2 und 3 Tag hei mer aes Mini-Trekking gmacht. Si uf Nagaekot gloffae u hei doert uebernachtet u am noechschtae Tag si mer e Tempel, Changu Narayan go aaluaegae u naer witer uf Bhaktapur. Doert si mer de auerdings nuem inae, hei nuem moegae... doert hei mer aber schiins oepis verpasst. Na ja...
S Trekking saeuber isch auso ou ok gsi, i has eifach nid so aastraengend gfungae, sisch haut eher so chli spazierae gsi... ha eifach chli meh erwartet und jetz muaesi de aeuae wider einisch uf Nepal zrugg cho und sones richtigs Himalaya Trekking machae:-)!
Wider zrugg z Kathmandu hei mer de no einisch so richtig gschoppet. Cha auso jedem numae empfaehlae, waer uf Nepal wott go trekkae soeu sech doch gad z Kathmandu usruetschtae, mi cha doert aues huerae biuig choufae! Natuerlech nid erschti Qualitaet... aber fuer das maes naer einisch brucht... eh i ha mer oemu gad ae 'genuine' North Face Jaggae fuer 40Chf kouft:-)! Mann, mis Gepaeck isch huuuuerae schwaer:-(!
Nachem Shopping Tag simer de am noechschtae Morgae wider Richtig Suedae ufbrochae, genau nach Sauhara i Chitwan National Park. Mir si de vom Reisebuero widermou vou verarscht wordae... die hei ues doch tatsaechlech ae Plaetz im naeh Bus verchouft wo gar nid exischtiert!!!
Si de am 7ni am Morgae ar Bushautesteu gstange, bi 20 Bues ufae u abae gloffae, und kenae isch uaesae gsi:-(! Ha de wider mou mis schoenschte Sunntigsaenglisch choennae fuerae naeh! Dr Ozzy Ozborne waer naebae mir verblasst und d Celine haet sech i Grund und Bodae gschaemmt;-)! Tja, s het emu gnuetzt u mir hei de naer gratis mitemnae angerae Bus choennae mitfahrae!
Dae het de zwar ungerwaegs no ae Pannae gha, aber mir si de oemu guaet im Chtwan acho...
Am erschtae Obae hei mer de ou scho gad aes Rhino gsichtet usdr Faerni! So kuul!
Am Noechschtae Morgae hei mer de ae naebligi Kanu-Fahrt gmacht u naer ae Jungle Walk... usserd Pfauae hei mer auerdings nuet gseh, nid mou Krokodil:-(! Am Nomi hei mer de ae Jeep Safari gmacht, das isch nid wahnsinnig spannend gsi, aber mir heis oemu luschtig gha;-)!
Am Noechschtae Morgae hei mer de no dr Elefantae-Ritt gmacht, und dae isch auso s absolutae Highlight gsi! Si wuerklech vou duers Chrut, hei 4 Nashorn gseh und sogar eis Baby, mega Noech!
Nachhaer hei mer de no mitem Elephant choennae go badae, isch mega schoen gsi, auso vorauem luschtig wiu mir si die ganz Ziit is Wasser gflogae:-)! Auso, mini Schwe und d Cosima heis de scho gli ufgaeh, waehrend ig immer no ufem Elephant umaeklaetteret bi! So geil!
Am glichae Obae si mer de ufbrochae wider i Richtig Graenzae! Hey die Nacht im
Bus verbrocht, 12 Stung lang, und mit schlofae isch natuerlech wider mou nuet gsi... zersch hani mi Sitz wo reserviert isch gsi und 800 Rupie koschtet het mit aerae iiheimischae teilet, und ir Nacht het de einae si Gring uf mim Chneu usgruaehit! Auso aer het quaesi so pennet... isch jo nid wuerklech schlimm, hie isch das eifach aeso... aber mir aus Buenzlibuerger isch eifach nid so wou, wenn mer die ganz Ziit oeper Fremds achunnt! Eh jo huet am Morgae isch oemu dr Bus z Kakarbitta acho und mir si de z Fuaess ueber d Graenzae mitem Bus nach Siliguli u mitem Collectiv-Jeep nach Darjeeling. Und do simer jetzae...

No meh Photos...

Das isch no eis vo dae Verbroennigsghat z Varanasi, vo witem...
Z Varanasi...
Nomou dr Taj...

Im Keoladeo Nationau Park
Dr Baby Taj z Agra...
Nomou aes Ghat z Varanasi...

U nomou aes Ghat...
Dr Little John, uesae Strandhung z Benaulim...

Z Benaulim...
Z Red Fort z Delhi...
Kutschae z Agra...
Und s Agra Fort...

Äs Läbenszeichä...

Mir si jetz wider z indiä u hei ändlech wider netz, u do muäsi doch gad schnäu schribä!!
Das isch d uusicht uf d himalaya range, vo üsem hotel, wo mer si go trekkä... Eh mir hei scho wider ganz viu gmacht, dr usfüährlech bricht chunt de no:-)!
Jetz si mer z darjeeling am teeli drinkä;-)!

Patna-Raxaul u no aes par Foeteli...

Soooo, jetzae aendlech hei mer wider ae PC gfungae... phuu, ha scho nuem dra gloubt! Nach Varanasi het aebae das mitem Blogiitrag via Natelschicke nuem so gfunzt... drum isch dr letsch chli verspoetet gsi!
Ungerdessae si mer auso scho z Kathmandu... Patna isch auso gar nuet schoens gsi, huerae viu Luet, aber mir natuerlech widermou die einzigae Touris... sobaud mer ae Schritt uf d Stross gmacht hei si mer gad vo Rikshaws umzinglet gsi! U s schoenae isch, d Chauffeurae choei de nid mou aenglisch, das heisst auso, du seisch nae wo haerae, si saegae "okeay, okay", si fahrae los, nach 15Minutae hautae si irgendwo ah u frogae nachem Waeg, u naer geits de nomou ae Haubstung i die entgaegae gsetzti Richtig! Zzz, do fueaeut mae sich gar nid verarschet, na ja!
Auso vo Patna hei mer schuesch nuet gseh, user uesem Hotel und emnae feinae Restaurant! Si de am noechschtae Tag ines Taxi gstigae und nach Raxaul, a die nepalesischi Graenzae gfahre. Mir hei jo aextra aes Taxi gno, wiu mer daenkt hei, z viert (hei die 2 Thurgauer drvo choennae ueberzuegae das Nepal wunderschoen isch und si uuuuumbedingt mit ues muaessae cho:-) isch jo das nid so Tuer und sicher bequemer! Jo klar! Auso tuer isches nid wuerklech gsi, aber bequem doch ou nid! Sisch 6 Stunde gangae und fuer das hei si ues de 2 Chauffeurae mit gaeh... das heisst si si de naer ou zdritt vorinnae ghocket! Superbequem! Zum Glueck hani hingerinne choennae schloefaelae... hihi!
Z Raxaul acho si mer de sofort is Hotel, Restaurant hets i daem Kaff leider keis gha... so hei mir ues haut de bi ues im Hotelzimmer aes gmuaetlechs Znacht mit Chips u Chroemli gmachtund aes het sogar no aes Cuba Libre gaeh, Cosima und dr Faebu hei irgendwo Bacardi uftribae:-)!
Voila no aes par Foto:

Das isch no ueses Beizli/Hotel z Goa gsi.
Aes par Fischer am Strand bim Netz zaemae packae...

Henna-Farbae z Pushkar ufem Maerit.

Uesi Kameu z Pushkar. Und mi erscht Elephant woni gseh ha, so in aecht, z Jaipur.

Fortsetzung folgt...

Auf nach Patna! (Iitragmit Verspoetig...)

Das si d Cosima u dr Faebu usem Thurgau, die hei mer z Agra kennaeglehrt. Per Zuefau si mer no mitem glich Zug wie si uf Varanasi gfahrae, und doert acho hei mer ues de grad mit ihnae zaemaegschlossae.

Si jetz auso 4 Taeg z Varanasi gsi und jetz simer gad ufem Waeg nach Patna! Ufem Foeteli simer gad ufem Ganges u im Hingergrund gseht mae aes par Ghats. Mir hei bim Meer Ghat gwihnt u vo doert us isches de duer ganz schmali, verwinkleti Gaessli id Autstadt, Godaulia gangae! Sehr aagnaehm wius kei Verchehr het, e Autorikshaw haett gar nid duerae moegae, aber haut genau so drackig wie ou schuesch ueberau!

Aes het hie ou 2 Verbrennigsghat,das ganze isch zimlech unzeremoniell, und, na ja, i has scho zimlech grusiggfungae... aber fuer d Inder isches aebae schoen hie z staerbae u am Ganga verbroennt zwaerdae!

Naer het hie jedes Ching ae Drachae, und i ha mer natuerlech ou gad 2 poschtet, ha sae aber nonid lo stigae:-)!

Schwoeschti u mir geits auso super, s git ganz viu feins z Aessae, Paratha, Pakora, Naan, Raita, Biryani... u natuerlech Curry und Masala!
D Inder duee ues deumou scho chli forderae, aber irgendwie schaffe mer geng was mer wei! Hie wird eifach jedi Rikshaw-, Bus- oder Zugfahrt zum Bahnhof, Taempu oder zur noechschtae Destination oder numae dr Spaziergang zur Poscht zum Abentuer! Discovery Channel live!;-)

Varanasi - die heiligi Stadt

Hie si mer z varanasi, ir heiligä stadt am ganges, stadt vom shiva! Äs heißt we mä hie stirbt chunnt mäh i himmu, auso für d hindus heißt das si wärdä vom ewigä zyklus vo läbä und tot befreit... Auso si wärdä nüm widergeborä u chömä de is paradis, nimi mou ah! Und wemä im ganges badet de wird mä vo aunä sündä befreit! Zum glück hani no keni sündä begangä, wiu i derä pampä wetti nid go badä;-)! Varanasi ligt über 7km am ganges u äs het 30 ghat. Ghat si äbä die stägä wo mä sech duät badä u chleider wäschä! Uf die 7km hets 30 abflußrohr u gemäß em lonely p. hets uf 1 l waßer 1.5 mio kalibakterie, normau wär 500... Sehr suber! I dä letschtä par johr hei si 3 kläralagä bouet u die verursachä regumäßig stromusfäu ir ganzä stadt. Si auso äs par mou im dunklä ghocket... Aber das isch jo nüt nöis;-)!

Taj Mahal + Keoladeo + Marudhar Express

Am 1. am morgä si mer früäh uf und dr taj mahal go aaluägä! Dr taj isch auso sit em 2007 eis vo dä 7 wäutwunder, und d inder si wahnsinnig stouz druf! Är isch natürlech mega schön und äs isch kuul das mer dr taj mahal in ächt gseh hei. Aber bis z letscht isches eifach wider ä tämpu meh;-)! Sisch natürlech spezieu wiu är ganz wiis isch und wäg dä steiilagä wos het, momou isch scho schön! Am nomi hei mer de dr bus gno u si 2 stung nach bharatpur, rajasthan gfahrä. Busfahrä isch auso ou widermou spezieu gsi, das heißt, kamikaze-fahrstiu kombiniert mitemnä mit hektischä inder vougstungetä bus wo nid mou richtig stoppet für d lüt inä u usä zlo! S erschtunt mi auso geng wemä problemlos vo a nach b chunnt! Vor busstation si mer de mit ärä veloriksha zu üsärä bleibe, ä family wo äs par zimmer vermietet, gfahrä! Dört isches de ganz gmüätlech gsi, s het heißes waßer, warmi dechinä und feins z äßä gäh!
Am morgä hei mer de velo gmietet und si i keoladeo national park go radlä! Hei mou öpis angers wöuä machä aus go tämplä aaluägä...
Am obä si mer de scho wider zrugg uf agra, si gad a bh u hei de eigentlech gad witer uf varanasi wöuä! S het natürlech kei platz meh gha! Hei drfür äs billet fürä nöchscht obä bercho, u jetz hockä mer äbä geng no im zug... Hei wider mou verspötig, jetz isch de gli 12i u eigentlech hättä mer scho am 9i söuä acho! Isch normau...
Im zug hei mer numä no sleeper class billet bercho, das ischs biuigschtä, 15.- für 13h;-)! Wär eigentlech ok gsi, aber leider hei si hie keni dechinä verteilet u i ha mer vou a arsch gfrorä! Ha auso nid so viu gschlofä u i bi de froh wemer im hotel si!

Happy New Year

Mir si hie gad ufem dach vo üsem hotel z agra am nöi johr fiirä! S het keni lüt, auso kei party, so hei mer haut dr champagner wos chrigi importiert het unger üs ufteilet....
Mir wünschä öich aunä no ä guätä rutsch (mir heis jo scho hinger üs) u viu glück, liebi und fröid fürs 2008!!!