U schüsch no so...

Das Johr isch wider ä Huufä los, los gsi! Dr Noah isch Geborä u hautet aui uf Trap, plouderet vor sech härä u guggelet u numä säutä ischer unzfridä, die erschtä Zängli hets ou scho gä und Rüäbli-Brei u am liebschtä spiut er ufem Mami sim Schoss Trampolin, Melä schafft ou wider u mir träffä üs flissig ir Stadt u einisch ir Wuchä, wes geit zum Schwümmä mit dr Celine, d Sarah het viu um d Ohre wie geng u cha sech vermuetlech vo Blinddate nid retä, d Martina isch ou wider do, i ha viu glehrt u mini Schueu bestangä und d Celine machts gliche numä besser = Karrierä;-), s Piry loufts super, wie scho gseit, u dr Reto chunnt geng viu mit u macht Pfleger, Chauffeur u Usritbegleiter aus mitnangJ, ir Budä loufts wiene Morä, döumou besser döu mou schlechter u gli simer 100i, u Ferie wärä sicher besser, aber mi cha nid aus ha, u jetz hani jo dr Reto und bi däm loufts o, gli hürotä dr Michu und d Andrea u när isch de d Hochziits Saison öpä dürä, u de isch de scho Herbscht, i wirde 30gi u Winter u när isch scho nöchscht Johr, mini Euterä gniessä d Pension u si flissig, geng ungerwägs u nie deheimä usser we s Chrigi u ig zum Zmittag chömä, döu mou mitem Jérome, d Kim geit id Schueu u d Rahel i Chinzgi mit ihrem nöiiä Chintschgitäschli wo si vom Götti Reto bercho het, und bim Rischä u bir Claudä gits no Nochwuchs, pünktlech ufs Hochziit vo Michu u Andrea.

Hüt Obä gö d Diana und ig no mit dr Annemarie go ässä is Desperados, bevor si uf Reise geit, d Corinne isch leider verhinderet… im Herbscht geits mit em Dreamteam, leider ohni Annemarie, wieder ä Städtereis mit Comedy, leider weisi gad nüm wär mer gö go luegä. D Melä möcht ou no irgend äs Reisli machä, anstatt Pouterä nochä zholä, ä Wiehnachtsmärit vilech. Mit dr Budä chöi mer ou das Johr wider is Vieux Manoir uf Murtä, i fröiä mi scho u bi gspannt wases das mou feins git. Zu mim Geburi möchte ig de ou no äs Reisli machä, uf NCY steit ufem Programm. De hei mer äbä no äs Hochziit im September, und Brunchä im Goufpark Moossee isch no planet, mini Diplomfiir steit no a am Friti… jo, i gloube das si momentan grad aui Events wonig ufem Programm ha!

Marsa Alam

Dr Schätzu und ig si auso dä Summer no i dä Ferie gsi, z Ägyptä, z Marsa Alam si mer gsi.

Sisch seeeeehr schön  und seeeeehr heiss gsi, u s Wasser het leider kei Abchüälig brocht! Mir hei viu Gässä u Gschlofä u Gfulänzet, si chli go schnorchlä u hei gläsä, i bi 2 mou go touchä u dr Reto het flissig mit dä Iiheimischä plöiderletJ!

 



 

Träumen...

Äs isch wider typisch: äs sisch schönschtä Wätter (kei Angscht hockä ufem Baukon) u i sött lerä, mini Präsentation vorbereitä besser gseit... aber irgendwie chunnt mer iiiiimmmer öpis drzwüschä, woni cha machä statt letä;-)! Föteli vo Oustraliä postä zum Bispiu;-)! Hei doch MuP bim puffnä Spicherchartä vo mirä Schwe gfungä mit Föteli vo üserä Reis... do chani fasch nid angers aus die mit öich teilä:-):

Jawoll, Vanarasi. I hamers dänkt, Datum 4.1.2008... wiui mer aber glich nid bi sicher gsi, hani müässä go nochäläsä... das dönt de so:

"Nacherä zimlech aasträngendä Nacht (Sleeper Class: wärdä nid mou Dechinä verteilet het numä Mannä u i üsnä Bett isch scho öper glägä, hei sä vertibä, heis Gepäck zu üs ufs Bett gno, hei chli Angscht gha äs wärdi klauet u dürfür hei mir när kei Platz gha) simer de auso z Varanasi acho. Natürlech wiedermou mit 2 - 3 Stung Verspötig! Ufem Gleis hei mer de uf Cosima und Fabian gwartet und ab denn si mer gad zämä witer! Hei natürlech wider mou äs huerä Ghetto gha mit dä Riksha-Fahrer, aber nachdäm mer no 15 Minutä dür ganz schmali Gässli gwanderet si , si mer de bim gwünschtä Hotel acho. Leider isches de vou gsi, aber äs wär würklech äs kuuls gsi, direkt am Ganges. Hei de äs Hotel aagluegt wo üsi Chauffeurä vorgschlagä hei, chotzchotz, u si de z letscht Glich im nä LP-Hotel glandet! Zimmer ohni WC 250 Rupiä."

I wott nech jetz nüm witer längwilä, dr Räscht vom Tag hei mer schiinbar mit ässä, schlofä und Bier us Teetassli trinkä verbrocht;-)....

S nöchschtä Foto isch när scho vou Australia, im Apriu 2008:

Fraser Island!

Oh my God, was isch mit derä Friiissuuuuur???

U do isch mini Schwe scho öpä chli bsoffä gsi;-)!

Das isch Great Keppler Island

Vom Chrigi gits haut hie nid so viu Föteli, wiu sisch jo ihrä Föteler gsi, minä isch mer jo z Saigon klauet wordä:-(!

Heit dir mini Fingernegu gseh???

Und i dä Blue Mountains...

U scho am Ändi vo mirä Reis: Tioman Island, Malaysia

Fernweh...

Martina ist weg…

Jetz no witer wäg aus schüsch scho:-(! Am Donnschti isch si nämlech mitem Steve vo London uf Tokio gflogä! Nacherä Wuchä geits de witer uf Oustraliä… u nach 3 Mönet, nei, fasch 4 Mönet, am 10. Juni, chunnt si ändlech wider hei! Genau, und zwar richtig hei, id Schwiz!
Auso i bi do so ufem loufendä, wiu d Martina gad chürzlech isch hie gsi, und ig mi mit ihre troffä ha… usserdäm si dr Reto und ig im Herbscht z London gsi u hei üs ou mit dr Martina und mitem Steve troffä. Leider hanis verpasst Föteli vo inä 2nä z machä:-(… aber vo London gits ä Huufä:-)!