Mekong und Baguette

Chiang Mai simer zletscht gsi... Si auso vo Ayuthaya mitem Zug 12 Stung nach Chiang Mai gfahrae, ir Nacht, aber mit schlofae isch glich nuet gsi, sisch die ganz Nacht s Liecht broennt und mir hei aebae numae Sitzae gha und keni Bett. Aber irgendwie isch ou die Nacht duerae gangae. Hm, hei doert widermou viu Sightseeing gmacht, ah jo und am Obae hei mer ae Nachtsafari gmacht. Na ja, aes isch haut chli laecherlech gsi, wuerklech ae Safari isches jo nid gsi, haut eifach ae Zoo. Aber ou das isch no kuul gsi, bi jo scho ewigs nuem im Zoo gsi, und jo, das ganzae ir Nacht isch haut no spezieu gsi.
Naer si mer mitem Bus witer nach Chiang Rai, doert hei mer de gar nid sooo viu gmacht (das heisst, mir hei numae 1 Taempu aagluaegt:-), houptsaechlech hei mer uesi Ziit i Beizae und ufem Maerit verbrocht. D Schwoscht het sech aes Roeckli kouft und i ha mer lo us dae Haeng laesae... hani doch scho lang mou woeuae!
S het auso de no ueberraschend guaet gstummae! Ok, si het eifach Sachae verzeut wo aeuae uf jedae zuaetraeffae, oder wo jedae gaern ghoert! Wie zB i wirdae eines Tages Saeubschtschtaendig si, mit eigenem Business und so, oder i seu nid geng so stressae, i seu mer chli meh Ziit zum relaxe naeh... Auso, i wiu nech jetz mini Zuekunft verrotae: ig wirdae auso zwueschae 26 und 28gi mi Troummaa fingae, und dae isch saeubschtverstaendlech seeeehr riich (has jo scho geng gseit i weu a riichae Maa;-), und usserdaem wirdi 1-2 Ching ha, und i wirdae mindeschtens 90 jaehrig. 28gi wird auso mis Spitzae Johr si! Hm, usserdaem bini stur und ig reisae gaern (wow, ae huerae Offaebahrig, wie isch si aecht uf das cho?).
Aebae jo, s meischtae isch eifach chli us dr Luft gno, aber i gloubae jetz eifach wasi wott!
Eis stimmt natuerlech, isch auso sehr wichtig: i chumae vo guaetae Euterae:-)! Das het si uebrigens bi mirae Schwee ougseit, wo sech het lo d Chartae legae...
Am noechschtae Tag hei mer de ae Tour buechet, Mae Sai, Golden Triangle (Burma-, Laos-, Thailand-Graenzae oders Opiumgebiet), Chiang Saen und Chiang Khong. Si de gad z Chiang Khong blibae und am noechschtae Tag ueberae Mekong nach Laos iigwanderet... Naer si mer mitem nae Slowboat, mit massaehaft Tourischtae und huerae schmalae unbequemae Baenkli dr Mekong abaegfahrae, mitemnae Uebernachtigs-Zwueschaestop z Pakbeng, und geschter am Obae si mer auso hie, z Luang Prabang, Laos acho...
D Flussfahrt isch auso sehr schoen gsi, dr Mekong isch mega brun, raecht breit und aes het auso riiiisae Catfish drinnae... hei zwar keni gseh! D Landschaft isch geng chli glich gsi, d Ufer entweder faeusig oder sandig und aes geit immer gad steil s Bord uf, u direkt i Waud oder i chlini haerzigi Doerfli... auso i has mega schoen gfungae!
Luang Prabang isch ae raecht grossi Stadt aber mega ruhig, auso eigentlech gar nid wienae Stadt;-)! S het haut z Laos nid aeso viu Ortae womae cha go aaluaegae, drum hets hie eifach ou mega viu Tourischtae. Zu uesserae Freud gits hie ueberau Baguette und Crepes, sisch auso liecht franzosisch aguechet....

Bangkok - Ayuthaya - Kanchanaburi

Auso, wie dir gseht hei mers tatsaechlech gschafft, mit hei d Melae u dr Robi z Bangkok troffae:-)! Jetz simer wider ufem neuschtae Stang was d Schwiiz betrifft und si hei ues ou mit Mayonnaise und Schoggi versorgt, jetz geits mir auso wider guaet:-), mini Infektion am Bei isch auso ou verschwundae! Na guaet, vilech ligt s am Antibiotika und nid am Schoggi, aber dae het sicher ou ghufae... ach das hani jo no gar nid gschribae, i ha auso uf dae Andamanae no Fieber (und dir kennet mi, i ha schuesch NIE Fieber) gha und d Chrigae het scho daenkt i heig sicher Malaria oder mindeschtens Dengue Fieber... Si de z Port Plair zun Dokter u die het aebae gmeint aes ligi a derae Riisae Buelae woni am Schiinbei ha gha, das isch auso ae Muggaestich-Infektion gsi! Bloedi Viecher! Aber aebae, jetz isch wider guaet u s Bei isch no drannae!

Aebae jo, am noechschtae Tag si mer de leider gad witer, si scho viu z lang z Bangkok blibae, hei jo nid so viu Ziit! Si de witer nach Ayuthaya (Das isch vor laaaanger laanger Ziit mou d Houptstadt gsi) go Ruinae aaluaegae u wider aes paar Taemplae u Buddhas u am noechschtae Tag witer nach Kanchanaburi. Doert si mer de grad sofort zum Tiger Temple go Tiger strichlae!

Das isch auso mega kuul gsi, sisch huerae schoen gsi denae Tier so noch z cho! Aber leider isches eifach mega schnaeu gangae, sisch haut eifach vou d Massaeabfertigung gsi... aber glich huerae kuul!

Doert bi dae Tiger hei mer no dr Markus usem Schwarzwaud ufgablet u si de naer no mit daem go Velofahrae... wider mou zu dae Taemplae und so... Am noechschtae Tag hei de Chrigi und ig wider ae Roller gmietet. Hei ei Taempu gsuaecht und dae hei ner prompt nid gfungae... ersch oepae nach 2 Stung, drbi waers numae 10 Minutae gangae! Na ja, hei ues drfuer beidi schoen verbroennt und hei jetz ae wunderschoeni Tomataefarb!

Naer si mer de no 65 km zum nae Nationaupark (Erawan Waterfalls) gfreset, si erscht am 4i acho, u dr Park macht natuerlech am 5i zuaeh... aber schoen waers gsi, und i Pool bim Wasserfau si mr natuerlech glich no dri gumpet;-)! Und Celine, doert hets meeega grossi Fischae gha u die si a eim cho knabberae! Ha das auso gar nid toll gfungae, aber i ha gad a di muaessae daenkae u dini Fischphobie;-)!

Ehm jo, was no? Auso huet am Morgae si mer wider zrugg nach Ayuthaya u huet Obae goe mer mitem Nachtzug nach Chiang Mai... und jetzae si mer aebae gad chli am umaehaengae... Taemplae hie hei mer jo scho aui gseh... und usserdaem isches eh viu z heiss fuer oepis z machae!!!

Wow, Bangkok!

Dr letscht Obae mit uesnae Thurgauer!
Im Grand Palace...

The Reclining Buddha...

Am Fast Food fressen...
Ir Kaoh San Road..
Mmmh, feini fritierti Madae...

Floating Market Taling Chan...

Ussicht vom Golden Mount...
The Giant Swing...

Mir si z Bangkok am Flughafae acho u hei doch scho wider ae haubae Kulturschock gha! Ae meeega modernae Flughafae und de erscht no huerae suber! So oepis hani auso sit 2 Moenet nueme gseh!

Bim Hotel suaechae hei mer de chli mueaeh gha, isch schinbar aues usbuechet und uesae Taxifahrer het weder aenglisch choennae no het aer gwuesst wo mir haerae wei, geschweige denn Chartae laesae... das het ues de doch gad aechli a Indie erinneret. Aber da die Thai s immer so naett laechlae, hei mer em de schnaeu mou vergaeh...
Hei ues de z Fuaess uf d Suaechi gmacht u si de doch relativ schnaeu fuendig wordae: hei de ir noechi vor Kaoh San Road aes Zimmer gfungae. Sisch zwar raecht tuer, auso 30 Frankae, aber drfuer hei mer warms Wasser, Fernseh, Klimaalag, Mugaenetz, ganzi 2 Spieglae Z India isch dr Standard 0 Spieglae) und keni Viecher und aes isch so ruhig das mir die ganz Nacht cheu duerae schlofae:-)!

Mir hei scho ganz flissig Taemplae und Buddhas agluagt und natuerlech ou scho gschoppet, si i 2nae woubekanntae amerikanischae Fastfoodchoettinae gsi (Muaes jo keni Naemae nennae oder?). Dir wuesst jo, i ha sit ganzae 2 Moenet kei Burger meh gha!!! Scho krass, he;-)!

Drfuer aessae mer aber schuesch die ganz Ziit numae Strossaefood, houptsaechlech Chinanudla und Suppae und so, isch aber ou mega fein!

Und im Chino simer auso ou scho gsi, i eim vo denae risigae Ichoufskomplexae obae innae. S het auso aues wo mae sech wuenscht hie... nach 2 Moenet Indie isch das scho fasch s Paradis hie:-)!

Bye bye India

Bye Bye India, s wird mer zwar faehlae, aber i bi ou huerae froh cheu mer aendlech witer. Je lenger je meh naervi mi abem "Gschaeftssinn" vo dae Inder... klar si nid aui so... aber sicher die meischtae! Uf dr angerae Sitae isches schad, hei mer nid no lenger Ziit, wiu i gloubae mir hei fasch no nuet gseh vom Land...
Geschter simer auso problemlos (potztuusig, gits jo fasch nid) mit dr Faehrae zrugg nach Port Blair gfahrae und morn geits mitem Flugi zrugg nach Kolkatta und naer gad uf Bangkok...

Faebu am Nuss knackae...
Schwoeschti...
Das isch ou Beach # 5
Blue Lagoon, doert simer go schnorchlae...
Sunnaeungergang ar Beach # 7

U so blau ischs Meer:-)
Schoeschtis erschtae Rollerfahrversuech...

Ueses bescheidaenae Huettli, isch doch mega schnusig... u wie dr gseht hei mir (auso d Chrigi het) sogar gwaeschae!

Dr South Park Street Cementery z Kolkatta... sehr schoen und aut (uuu das waer oepis fuer ueses Mami gsi;-), und seeeeehr gespaenschtig, waeg dae Naebuschwadae wo auerdings numae Rouch si, s het gad ae Ladae broennt naebem Fridhof!

S Victoria Memorial z Kolkatta... wunderschoen, numae leider hets dr ganz Tag pisset, und mir hei auso schnaue mou usaegfungae, das uesi North Face Jaggae duerae loe;-(!
Beach # 5: doert isch uese "Resort"
D Ussicht vo uesem Huetli us...
Beach # 7

Never coming back;-)

Hallo liebe Schweizer!
So, nach dae vilae Strapazae, hei mers jetz doch no uf Havelock Island gschafft! Wius hie sooooo schoen isch, und mir euch nid zfescht wei iiversuechtig machae, gits jetz no keni Foto:-)!
Wius ues hie aebae so gfaut, hei mer uesae Flug gad noeinisch verschobae und fluegae jetz erscht am 13. Februar zrugg nach Kolkatta und de gad direkt witer uf Bankok!
Usserdaem hani geschter aem Piry aagluetae und ha gfrogt oebi no chli lenger darf blibae... schiinbar faehli auso em Piro ueberhoupt nid:-( und drum muaessi ou nonid hei cho! Nenei, ha bi minae naettae Piro-Pfleger nochae gfrogt wies so louftu oeb si no moegae und die hei gseit i muaes nonid heicho;-)! Juhui! Und jetz hei aebae Schwoeschti und ig huet aer Swiss u aer Air France aagluetae und hei uesae Rueckflug ufae 6. Mai 2008 verschobae:-)!!!
Mir si jetz flissig am planae und fluegae de aeuae no ae Rundi uf Australiae! Mir hautae nech ufem loufaendae...