Ha nomou eis gfungä...

Hallo zämä!So, mir heis auso ungerdessä gschafft, mir si guät in Guatemala acho! Vorgeschter womer si acho, heimer numä 18 Grad gha und es isch bewöukt gsi, aber sit geschter het de scho d Sunne gschunä u äs isch schön warm!Dr Flug isch eigentlech rächt agnähm gsi, naja numä d Crew vor Iberia isch nid so dr Hammer, i gloub diä hei während em ganz Flug pennet, im Gägäsatz zu ues.Ds Guatemala City hei mer auso jetz numä einisch uebernachtet, isch ou nid wuerkelch sehenswert... geschter am Morgä (si scho am 5i wach gsi, schiiss Jetlag) hei mer ues de inä Bus gwagt u si is nöchschtä groessere Käffli gfahrä... dr Bus isch ues eigentlech nid empfohlä wordä, aber ues chamä natuerlech nid so schnäu iischuechterä;-)! Aber das isch de doch no ä ganz ä kuuli Fahrt wordä, mir si zum Glueck die erschtä gsi wo si iigstigä u ou die letschtä wo wider usä si.Zwueschä Guatemala City und Antigua, do wo mer jetz si, het dr Bus gar nid richtig aghautä, si eher so Rollstops gsi;-) u mit uesem Gepäck wärs gloubs no schwär gsi zum usägumpä... Dr Bus isch so nä autae Ami-Schoolbus mit huerä weni Platz und uhuerä viu Luet dinä und mir si säubschtverständlech die wissischtä Luet dört innä gsi... aber bis jetz hei mer ächt numä gueti Erfahrigä gmacht, äs si aui mega fruendlech, wirsch die ganz Ziit aaglachet, vorauem sobaud dä Spanisch redsch... ha jo scho gwuesst wieso i s Nici mit nimä;-)...Mir hei jetz auso die 1. Nacht z Antigua verbrocht, ueses Hostel isch mega chli u no gmuetlech, hm, s Zimmer schmoeckt vermoderet, s het kes Faenschter, u i bi mer ou nid 100% sicher oeb d Woesch fuer jedae Gascht gwaechselt wird... aber easy. Geschter hei mer no so 2 Belgier im Zimmer gha und ir Nacht hets eifach mou bollet u naer si beidi mitnang am Bodae glaegae! Kei Ahnig was si gmacht hei... Ues 2 hets natuerlech fasch verputzt vor lachae, si hei ues zum Glueck scho vorgwarnet das dr eint schiins tuet schlofwandlae, hihi!Am Morgae si mer hie z Antigua a sonae Gmuesmaerit, und obwous hie mega viu Touris het, si mer doert wider mou die einzigae gsi... drbi si diae Luet wuerklech aui so fruendlech! U am Nomi si mer wider mitem Bus ungerwaegs gsi, si nach Santa Maria de Jesus, doert hets ou ueberhoupt keni Tourischtae gha u aes het de ou gad numae no haub so schoen usgseh, aus numae so haub ufbouti Hueser und Waeublaech-Huettli...Auso, i daenkae mou das isch gnuae zum laesae... morn goe mer no witer i richtig Nordae, a Lago de Atitlan, u naer goe mer de vermuaetlech id Richtig karibischi Kueschtae... mou luaegae!Hoffae s geit naech aunae guaet, ues geits uf jedae faus blaendend!Liebi Gruaessli Katrin

Mail vom 7. Apriu 2006

Hola Chicos Na wie geits euch aunae so? Vermisset dr mi ou ganz fescht, wie sechs ghoert? Nid? Jo auso, de blibi haut gad hie:-)! Mir hei ues jetz nachem ewigae reisae ae Pousae goent, hei nuem moegae u jetz si mer sit erae knappae Wuchae z Manzanillo, Costa Rica, ar Karibik am Suennaelae! I saeg nechs jetz bini de wahnsinnig brun:-)! Eigentlech machae mer auso dr ganz Tag nid viu usser am Strand ligae, schwuemmae und sangelae, hihi! Ah jo, aessae duae mer natuerlech ou ganz viu... ernaehrae ues houptsaechlech vo Banane-MilkShakes, Schlaeckstaenglae und mega feinae Glacae... zum zmorgae gits amae Riis mit Boehnli und zum znacht ou gad nomou, jupi! Mir tue ues auso sehr usgwogae ernahrae und machae enorm viu Sport... so sets doch si oder, i gloubae i chumae nuem hei, sorry! Jo auso i bi gad echli verwirrt, wenn hani aecht s letscht mou gschribae... gloubae vo San Juan del Sur, aber vilech widerholi mi de, sorry.Auso, vo dert simer de ueber d Graenzae nach Costa Rica... und es het scho gad super aagfangae, mit riisigae Entry Fees und Hostel wo dopplet so tuer si wie z Nica, massaenae vo Tourischtae und kei Sou red meh Spanisch (isch natuerlech guet fuer mi:-)). Mi seit jo Costa Rica sigi d Schwiiz vo Zentrauamerika... jo i muaes scho saegae, we mae sech saemtlechi Paumae waeg daenkt gseht vilech scho chli nach Schwiiz us;-), aber i ha scho s Gfuehu dasmes ender seit, wiu hie ou aues mega tuer isch (oder wiu sech Costa Rica us saemtlechae politischae Konfliktae usaehautet?)!Eh jo aebae, nach dr Granzae si mer nid witer cho aus uf Liberia, u naer numae bis uf Tilaran (wuerdae mer amae chli fruaecher ufstoh, haette mers aeuae i eim Tag gschafft), bis mer de schlussaendlech Santa Elena, im Nationaupark Monteverde si acho. Doert si mer 2 Taeg blibae, si einisch i Nationaupark und no einisch go ritae. Si im Naebuwaud gsi und wuessae dank uesem Guide jetz ganz viu ueber Pflaenzli und Voegeli... Ach jo im nae Orchideegartae si mer ou no gsi, isch auso ou no intressant gsi, die meischtae Orchidee si so chli, das me se mit dr Lupae muaes go suaechae.Naer si mer de wider witer a Pazifik nach Manuel Antonio, das waer eigentlech ou wider ae Nationaupark gsi, s het aber wider mou so viu Touris gha (u es isch de ou wider dementspraechend tuer gsi), das mer am noechschtae Tag witer uf Uvita si, immer no ar Kueschtae. Das het sech de aus munzigs Kaeffli entpupt, mit absolut keinae Luet und was fuer nae ueberraschig, scho wider ae Nationaupark! Das hei mer aber de erscht usaegfungae wo mer fuer a Strand go z badae haettae seuae 6$ Iitritt zahlae! Si du de haut nid a Strand sondern si wider mou gonae Bank suechae (u es het natuerlech dert am Strand keni gha). Wo mer auso de ueses Gaeud aendlech gha hei, hei mer ues unuffaeuig a Strand gschlichae, hei de auso doch nid zaut;-) und wo mer de am Meer gstangae si, hets afo schiffae! Super... isch auso nuet gsi mit badae. Dr Raegae het de die ganz Nacht aaghautae und genau denn wo mer ir Beiz abghocket si, isch dr Strom usgfauae und mir hei aes ganz aes romantischs Candlelight DInner gha;-)!Ou am Golfito, wo mer aus noechschts haerae si, hets nid wuerklech e schoenae Strand gha wo mer ues hei choennae usruahiae, si aber de glich 2 Naecht doert blibae... ou hie hets jedae Obae graegnet und ae Stromusfau gae, mi cha sech auso druf iisteuae. Wius auso i daem Kaff kei Strand het gaeh, si mer am 2. Tag am Golfito mitem Bootli anae angerae Strand gloffae, und es isch e huerae Zuefau, doert hei mer tatsaechlech aes Schwiizerpaerli troffae wo mer scho uf dr Isla de Ometepe kenneglehrt hei! Si hei ues de dr ganz Tag mit Kokosnuess und Banana gfuatteret, und hei ues ihri Wohnig zeigt.Am noechschtae Tag si mer frueh ufgstangae fuer ueses Busticket nach San Jose go z choufae, das isch aber de doch eher fuer nuet gsi... 1. het dr Bus oepae 30 min. (das sig normau, Tico-Time) verspoetig gha und 2. ischer naer eifach a ues verbi gfahrae... Super! Zum Glueck isch de ae Stung spoeter no einisch einae gfaehrae, u die Luet si so naett gsi, hei gar kes gstuerm gmacht u hei ues mit daem mitgno. Dae het uebrigens einehaub Stung verspoetig gha;-)! Si so um die 11i z San Jose acho und si direkt i s noechschtae Hostal gheit! Isch ou widermou ae tolli entscheidig gsi, het moerderisch gstunkae doert innae und isch mit Abstang s haesslechstae Zimmer gsi wo mer jemous ghae hei! Naebae bi hei mer no erfahrae das am Tag vorher gad einae gstorbae isch im Zimmer naebae drannae. Iiiihhh! I ha emu super gschlofae:-(!Si am Morgae wider fruaeh usae und direkt uf Manzanillo. Und do simer! Guet, gloubae das laengt;-)! Vorussichtlech goe mer morn zrug uf San Jose oder direkt uf Alajuela, doert isch dr Flughafae. Doert blibae mer 2 Naecht goe no chli go Laedaelae und i Usgang, jo u naer muesi de luaegae das i s Flugi nid verpassae... Na denn, bis baud, Gruaessli Katrin

Mail vom 25. März 2006

Hey mini liebschtae! So, mir hei wider mou ae PC gfungae, juhui! Merci fuer eui Mails, ha ghoert bi euch isches wermer wordae? Bi ues auso ou, es isch meeega heiss;-)! Auso, machets nech bequem, ha wider ganz viu z verzeue: Hm, letscht mou hani vo Tegus gschribae... weis gar nuem was aues passiert isch, sisch so viu gsi:-)! Auso, vo Tegus simer wider witer i Suedae, ueber Graenze nach Nicaragua... hei eigentlech gad bis uf Managua woeuae, das het ues aber nid glaengt wiu mer ungefaehr 7 mou hei muaeassae Bus waechslae und naer geits aebae amae uf denae Houperstrossae ou numae im Schnaeggae Taempo vorwaerts. I gloubae dr Panamerican "Highway" isch oepae die einzigi befeschtigeti Stross und ou uf derae brucht maeh aes Outo mit 4 Radatrib;-)... u so simer de numae bis nach Esteli cho. Scho wider totau erschoepft vor Reis, hei mer ues doert gad fuer 2 Naecht iiquartiert, u si de am 2 Tag zum naeh, gemaess uesem Reisefuehrer, "beidruckende" Wasserfau glofae... sisch de haut numae es Baechli gsi, wo dr Feusae abglofae isch, aber wenigschtens hets no es chlises Seeli gha, wo mer chli hei choennae drinumae Schwaderae. Zrugg hei mer de du nuem aues muaessae loufae, hei ufem nae Pick Up doerfae mitrittae... isch auso ae sehr houperigi u stoubigi Aaglaegaeheit, aber oemu ou es Erlebnis;-)!Am noechschtae Tag simer, wie gewohnt, inae Chickenbus klaetteret und nach Managua gfahrae, doert hei mer ues aes biuigs Hostel gsuaecht, hei ueses Taeschli packt u hei ues uf zum Lago de Managua gmacht... z Fuaess, wie geng! Das het sech aus Bombae-Idee entpuppt, oepae so nach 20 Minutae loufae, isch mer s Taeschli klauet wordae. Mit mirae Digi-Cam. Super. Hei de naer dr Raescht vom Tag, dass heisst, so ca. 5 Stung, ufem Polizeiposchtae verbrocht, mit wartae. S hei ues aui gseit mir soeues unbedingt maeudae, sisch aber so zimlech fuer nuet gsi. Mir hei bis oepae am 8i am Obae ufene Patroulliae gwartet, das mer nae cheu zeige wos passiert isch, wiu mer jo die Stross nid kennt hei... de hei mer se de a die Steu glotst, u naer hei si due de gfunge es sigi nid ihre Distrikt, und das isch oepae s Aendi vor Gschicht! Dublae! Hei ues naer mitemnae Toña troeschtet, hei dr Lago de Managua, wo schiins eh tot isch, vergaessae, si go pennae u am noechschtae Morgae gad witer uf d Isla de Ometepe. Granada hei mer gstrichae, hei d Nasae gad vou gha vo dae Stedt!Die Inslae isch auso ou wider oepis vom schoenere wo mer gseh hei, sisch mega suber gsi (schuesch ligt immer ueberau Ghueder umae) u d Luet si ou wider viu offener gsi... ligt vilech drannae dases doert ou meh Touris het, si muaessae doch naett si wemer nae scho Gaeud bringae. Dia Inslae im Lago de Nicaragua het 2 Vulkaen, einae wo no chli rouchnet u einae mitemnae Kratersee. Steuet nech vor, mir si sogar uf einae ufaeklaetteret... aber natuerlech ufae chliner! Hei trotzdaem 8 Stung gha fuer ufae und abae, mir tuae mini Bei immer no weh, 2 Taeg spoeter:(! Jammerjammer;-)! Sisch aber aecht mega geniau gsi, sisch aues durae Urwaud gangae, mir hei Affli gseh und es isch so matschig gsi, wo mer dobae si acho, hei mer usgseh wie nacherae Schlammschlacht. Mir heis uf jedae Fau luschtig gha;-)! I bi saeubschtverstaendlech dobae i See go badae, ha mi mit somnae Ami Wiib durae Schlamm kaempft (bisch bis zu dae Chneu iigsunkae) waehrend sech d Nicae mit uesem Guide drvogmacht het;-) und dr Raescht vo uesem Trup isch chli erschoepft im Schattae umaeglaegae! Am Obae simer de gad mit dae Chleider i See go Badae, diae si so vou Lehm und Draeck gsi;-)! Jojo mir heis luschtig, hihi;-)! Dr See isch auso zimlech Truaeb u s Wasser isch mega warm u heit dr gwuesst, sisch dr einzig See uf dr Waeut mit Suesswasserhaiae!!! Aaah;-)! Nei, schiins gits fasch keini meh...Am noechschtae Tag si de s Nici u ig aendlech mou go ritae, hei jo scho fasch Entzug gha... guat diae zwoei magarae Roessli wo mer bercho hei, si natuerlech nuet gsi gaegae s Piry und dr Teddy, aber dr Gallopp am Strand isch haut glich geniau gsi;-)! Si zu rae Quaeuae grittae wo mer hei choennae go badae, u i ha ae huuffae Foto vor Nicae wiae si amnae Seili umaeschwingt, wiae nes affli, hihi! So huet si mer auso wider vo dr Inslae abae u si jetz s San Juan del Sur, am Pazifik! Sisch immerno mega heiss, aber s Meer isch mega chaut... oemu im Gaegaesatz zum See! Uiuiui, s Nici stresst mi, gloubae si het Hunger, muaess go;-)! Auso morn verloe mer Nica vorussichtlech scho und goe uf Costa Rica... mou luagae...I wuenschae euch... Bye bye

Central America - Mail vom 2006

I weis, i weis, für öich, mini Liebschtä Läser;-), isch das ganzä nid so spannend... aber dr Blog isch jo schliesslech ou houptsächlech für mi, wiui so vergässlech bi und geng aues so schnäu vergissä! D heufti vo minä Ferie-Erläbnis z Zentrauamerika hani äbä leider scho vergässä und i fingä, dass ghört doch ou uf mi Blog... auso die E-Mail stammä no us mirä Pre-Blog-Ziit, und dir müässt nech auso nid d Müäh machä aues z läsä, wie gseit, sisch eher für mi;-)!
Leider isches äbä ou nid vouständig, äs fählä äs paar Mail drzwüschä... aber trotzdäm!

Mail vom 18. März 2006:

Sodeli, entgaegae aunae Erwartigae simer auso nonid verschollae... auso hie mou d Churzfassig vo uesere Reis:Vo Rio Dulce, woni s letschtae Mou usem Dschungu gschribae ha, si mer de dae Rio mitem Boot abaegfahrae bis ad Kueschtae nach Livingston. Doert hei mer de s erschtae mou uesi Zaehiae is Meer gstreckt, sisch aber nideso toll gsi u so simer de am noechschtae Tag gad witer, wider mitem Boot, nach Puerto Barrios u vo doert us Direkt ueber d Graenzae nach Puerto Cortes, Honduras. Ar Graenzae hei mer de gad uesi letschtae guatemalischae Quetzales gaegae honduresischi Lempiras duschet, das isch aber gar nuem viu gsi, drum hei mer ues z Puerto Cortes gad uf d Suechi nach gaeudoutomate begae, hei aber oepae 2 Stung und 10 Outomatae (nach daem einae gad aes Blackout het gha und mis Chartli gfraessae het) spoeter ufgaeh und si mitem Bus witer nach Tela. Doert si mer am Obae spot acho, hei uesae Lonely Planet onsultiert und hei ues spontan fuer nes Hostal am Meer entschidae. Super Entscheidig gsi, wiu naebae drann isch ou gad d Disco gsi... mir hei auso keis Oug zuaeto, aber ir Disco simer de auso nid gsi... Hei am noechschtae Morgae sofort ustschegget u hei ues aes gmuetlechers Hostal, wiit waeg vom Strand gsuecht. Naer hei mer de ou gli usaegfungae, dases schinbar z Honduras kei einzigi Bank git, wo ueses TravelCash-Chaertli akzeptiert, u so hei mer haut no uesi letschtae Dollar gwaechslet und... hei uesi Euterae aabaettlet... die si de ou so naett gsi und hei ues am noechschtae Maenti via Western Union Gaeud gschickt, und de isches ues 2 ne de ou gad wider viu besser gangae;-)! Z Tela si mer de gad 4 Nacht bibae, hei schliesslech muaessae ufs Gaeud wartae, das mer ueses Hostal hei choennae zaehlae, u so simer de so zimlech 4 Tag numae am Strand umaghanget... jetz bini sogar aechli brun;-)! Ganz weni!Vo Tela hei mer de eigentlech uf d Bay Islands weuae und doert im Barrier Reef (gits hie auso ou, ischs 2 Groeschtae) go s Touch-Brevet machae... wiu aber s Katrin natuerlech sitem 2. Tag vo dae Ferie ercheutet isch, hei mer de dae Plan gad wider i Wind gschossae... na ja, mache mer de es angers Mou;-)!Drum simer auso vo Tela, wo mer naer wider Gaeud hei gha, direkt uf Tegucigalpa, id Houptstadt, hei doert ae Nacht gschlofae u si am noechschtae Morgae gad wider i National Park La Tigra, wider mou mitemnae Chicken-Bus. Sisch auso fasch nid kompliziert gsi, doert anae zcho, hei oepae 3 mou muaessae umstigae und hei oepae mou dr uusstig verpasst... dank somnae naettae Hondures hei mer de ou die richtigi Hautesteu verwuetscht und er het ues de dr ganz Waeg zum Hostal vom Park begleitet. 2 Stung simer dr Stutz uf gloffae, und dir kennet jo mini Kondition... und das de erscht no mitem ganzae Gepaeck! Bi fasch gstorbae! Ha auso Foto gmacht, aus Bewies;-)! Si naer gad 2 Nacht blibae und si de tatsaechlech no go wandere im Park, eh ohni Gepaeck isch jo das kei Sach gsi... isch aber die ganzi aastraengig scho waert gsi, isch mega schoen dae Park! Huet si mer de dae ganz Stutz wider abetrollet mit uesm Gepaeck und uf dr angerae Sitae wider ufae bis zur Bushautsteu... naer simer doert ganz erschoepft am Srossaerand umae drollet u hei uf e Bus gwartet. Auso wuerklech ae Fahrplan hei si jo doert nid, aber es isch de tatsaechlech gad so nae gaeubae Schoolbus cho z fahrae, mir stigae i, und ratet mou, dr ganz Bus vouer Amis;-)! De hani de ou aentlech wider mou saeuber choennae redae;-) und ha nid immer numae d Nicae muaessae lo schnurrae;-)! Auso s het sech de usaegsteut, das die Gruppae sonae chrischtlaechi Mission het dar gsteut, wo i dae chlinae Gmeindae und Schuelae si go ungerrichtae... si si auso mega fruendlech gsi, und hei ues de sogar no zum aessae iigladae! U mir hei nang auso ganz viu z verzeuae gha, isch schoen gsi wider mou richtig mit oeperem choennae z schnurrae, und nid geng numae mit dr Nicae;-)! Nei Sorry Schaetzli! Mir heis auso wuerklech super zaemae!U jetzae simer auso wider z Tegus u morn geits witer Richtig Nicaragua, aber wuerklech feschtgleit wo haerae hei mer nonid vermuetlech grad uf Granada oder vilech zersch no uf Managua, obwou mer eifach bis jetz nid so begeischteret si, vo dae Houptstaedt. Hoppla, ha mi doch woeuae churz hautae... hm, drbi choennti no oeppae 3 mou so viu schribae. D Nicae het sech z Livingston mit es paar Kakerlakae im Wc iigschlossae und z Tela am Meer hei mer ae blauae Elefant kennaeglehrt, ach jo und z Tela im Hostal isch mer tatsaechlech scho mis Natel klauet wordae (schuesch zum Glueck nuet) auso cheut mini Nummerae gad aui strichae... Anstatt Hola oder Bueans sagae si hie aus Begruaessig geng Adios, und de aebae ou Bye, anstatt Hi! Mir heis jo mega nid boeget am Afang, hei geng gmeint die verarschae ues, aber schiinbar isches normau;-). Warms Wasser isch hie gloub oepis ganz saeutens und am beschtae hesch ou geng eigets WC Papier drbi, und ou mitem Aessae isches hie ganz angers, choschtet oepae 1/3 vo daem ir Schwizz u berchunsch oepae ae 3 mou so grossi Portion! So i gloub i muaes hoerae, schuesch chumi zu keim Aendi! Hoffae mou dir heit mi nonid vergaessae, hoffae s geit aunae guet u es isch hoffentlech ir Schwiiz ou wider chlei wermer. Roemerhof, lueget guet zu mim Piry und i hoffae si berchunnt zwueschaeduerae aes aextra Ruebli das si mi nid vergisst. A jo u dr Teddy natuerlech ou! Bye bye

Föteli vom 2007;-)

Uf dr Suächi nach Chäntlä's Blog-Adrässä vo Australiä (mir isch gad ä Bitz längwillig;-), bini no uf 2 Föteli gstossä! Die si no vo Varese, vo denn woni dört gschaffet ha und mi d Melä, d Celä und d Chäntlä si cho bsuächä... hihi, das si no Ziitä gsi! S hei sech aui mega veränderet (ok, usser d ig)! Aber d Adrässä hani leider nid gfungä...

Winterdepressionä...

Da's doch langsam chlei deprimierend wird, geng numä im Näbu umä z irrä, hei s Piry und ig spezieu freud gha, wo mers am Sunntinomitag tatsächlech no bis id Sunnä ufä hei gschafft:-)!
Für euch aui iiversüchtig z machä hani das säubschtverständlech feschtghautä!

Hie s letschtä Foro wider im Näbu, wie mä gseht hets em Piry ir SUnnä ou viu besser gfauä...

eigentlech hani ihri verischätä Höörli a dä Ohrä und die wiisä Ougsbrauä wöuä fötälä, het so härzig usgseh:-)! Aber ufem Foto gseht mäs natürlech nid...

Bürä-Fasnacht am 2.

I sägä numä sövu: I bines Huähn! Beieli, Blüämli, Prinzesschen und Bäärli... ;-)