The End of staycloseblog

Alles Gute hat ein Ende, so ou mi ganz toll Blog. Si immer wie weniger Biiträg wordä, d Biiträg si ou nüm so spannend wie ou scho und d Motivation het scho lang vo i WOTT no ä Blogiitrag machä zu i MUESS widermou ä Blogitrag machä gwächslet! I hoffä, mini zahlrichä Läser si nid enttüscht, aber i dänkä, sisch doch eh schöner persönlech vo mir z ghörä aus numä geng im Internet go nochäzläsä woni gad bi u wasi schöns machä. Ou das isch ä Grund wieso i dänkä i chönn dr Blog ufgäh. Äs wird keni spannendä Reiseberichtä gäh i nöchschter Zuekunft. I wott nid sägä dasi s Reisä ha ufgäh und bi Sässhaft wordä, aber i ha haut jetz öper ganz tolls a mirä Sitä und d Zuekunftsplän beinhautä nümme numä d Wäut z entdeckä, u i bi glücklech!

Auso, 286 Iiträg,  i ha aui pendäntä Biiträg „ufgschaffet“, i ha usägfungä wieni us mim Blog cha äs Buech machä, und äs blibt mer numä no z sägä: das ischs Ändi vo mim Blog.

ENDE

U schüsch no so...

Das Johr isch wider ä Huufä los, los gsi! Dr Noah isch Geborä u hautet aui uf Trap, plouderet vor sech härä u guggelet u numä säutä ischer unzfridä, die erschtä Zängli hets ou scho gä und Rüäbli-Brei u am liebschtä spiut er ufem Mami sim Schoss Trampolin, Melä schafft ou wider u mir träffä üs flissig ir Stadt u einisch ir Wuchä, wes geit zum Schwümmä mit dr Celine, d Sarah het viu um d Ohre wie geng u cha sech vermuetlech vo Blinddate nid retä, d Martina isch ou wider do, i ha viu glehrt u mini Schueu bestangä und d Celine machts gliche numä besser = Karrierä;-), s Piry loufts super, wie scho gseit, u dr Reto chunnt geng viu mit u macht Pfleger, Chauffeur u Usritbegleiter aus mitnangJ, ir Budä loufts wiene Morä, döumou besser döu mou schlechter u gli simer 100i, u Ferie wärä sicher besser, aber mi cha nid aus ha, u jetz hani jo dr Reto und bi däm loufts o, gli hürotä dr Michu und d Andrea u när isch de d Hochziits Saison öpä dürä, u de isch de scho Herbscht, i wirde 30gi u Winter u när isch scho nöchscht Johr, mini Euterä gniessä d Pension u si flissig, geng ungerwägs u nie deheimä usser we s Chrigi u ig zum Zmittag chömä, döu mou mitem Jérome, d Kim geit id Schueu u d Rahel i Chinzgi mit ihrem nöiiä Chintschgitäschli wo si vom Götti Reto bercho het, und bim Rischä u bir Claudä gits no Nochwuchs, pünktlech ufs Hochziit vo Michu u Andrea.

Hüt Obä gö d Diana und ig no mit dr Annemarie go ässä is Desperados, bevor si uf Reise geit, d Corinne isch leider verhinderet… im Herbscht geits mit em Dreamteam, leider ohni Annemarie, wieder ä Städtereis mit Comedy, leider weisi gad nüm wär mer gö go luegä. D Melä möcht ou no irgend äs Reisli machä, anstatt Pouterä nochä zholä, ä Wiehnachtsmärit vilech. Mit dr Budä chöi mer ou das Johr wider is Vieux Manoir uf Murtä, i fröiä mi scho u bi gspannt wases das mou feins git. Zu mim Geburi möchte ig de ou no äs Reisli machä, uf NCY steit ufem Programm. De hei mer äbä no äs Hochziit im September, und Brunchä im Goufpark Moossee isch no planet, mini Diplomfiir steit no a am Friti… jo, i gloube das si momentan grad aui Events wonig ufem Programm ha!

Piroschka

Äm Piry geits guet, und si macht mer viu Fröid! Natürlech, si macht mer immer viu Fröid, aber döumou macht si mer haut ou viu Sorgä. Voremnä Johr het mer dr Döktu no gseit, i söu mi langsam a Gedankä gwöhnä, dassi mi gli vorä mues trennä. Ar Diagnosä het sech natürlech nüt gänderet, aber immerhin galloppierä mer jetz wider über Fäuder und gniessä eifach no chlei üsi gmeinsami Ziit!
I hoffä jetz eifach das Grünmuschulippäpulver, d Tüfuschrauä und d Bewegig hiuft, und i nid scho gli mitem nöchschtä Arthrosäschueb mues rächnä... wie gseit, bis denn gniessä mers jetz eifach:-)!
Damit si gnue Bewegig berchunnt bini ou wider mou uf dr Suechi nacherä Riitbeteiligung... eini wo vilech chli flissiger würd ufem Vieregg schaffä aus ig:-)! Äs Shiatsubuech hani mer jetz ou no bsteut, wiu i finge dass het si amä no gnossä wo d Cécile amä isch cho massierä und vilech chani jo das ou säuber:-D!

 

 

Marsa Alam

Dr Schätzu und ig si auso dä Summer no i dä Ferie gsi, z Ägyptä, z Marsa Alam si mer gsi.

Sisch seeeeehr schön  und seeeeehr heiss gsi, u s Wasser het leider kei Abchüälig brocht! Mir hei viu Gässä u Gschlofä u Gfulänzet, si chli go schnorchlä u hei gläsä, i bi 2 mou go touchä u dr Reto het flissig mit dä Iiheimischä plöiderletJ!

 



 

Nadja's Hochzeits Überraschung!

So, ou si 2 hei "JA" gseit:-D!

Aus Überraschig hei mer dr Teddy gschmückt und uf Bürä chauffiert.

I ha züpflet u dr Schätzu het Mäscheli dra do:-)!

D Überraschig isch de ou guet acho, obwous d Nadja äuä scho fescht dr mit grächnet het, schliesslech het si mer jo scho die wissi Schabraggä im Stau parat gmacht;-)! Aber houptsach si het Fröid gha:-D!

Und no aui zämä...

 

Ohoh, isch ächt do öper är Brut ufä Rock gstangä??? Na, schiins bringt das jo Glück!

Mi chli süäss Göttibueb

(S Bier isch natürlech äm Papa;-)

Nadja's Polterabend, 23.07.12 - ohne Kommentar