Martina ist weg…

Jetz no witer wäg aus schüsch scho:-(! Am Donnschti isch si nämlech mitem Steve vo London uf Tokio gflogä! Nacherä Wuchä geits de witer uf Oustraliä… u nach 3 Mönet, nei, fasch 4 Mönet, am 10. Juni, chunnt si ändlech wider hei! Genau, und zwar richtig hei, id Schwiz!
Auso i bi do so ufem loufendä, wiu d Martina gad chürzlech isch hie gsi, und ig mi mit ihre troffä ha… usserdäm si dr Reto und ig im Herbscht z London gsi u hei üs ou mit dr Martina und mitem Steve troffä. Leider hanis verpasst Föteli vo inä 2nä z machä:-(… aber vo London gits ä Huufä:-)!

 

Neue Wohnung

Scho ganzi 2 Wuche haute mers jetz us, i üserä nöiä Wohnig!
Mir si scho fasch fertig iigrichtet, dank em Isatz vo üsnä flissigä Häuferli! Merci viu mou no einisch aunä wo ghuufä hei! Iiladig zum Häuferässä u Wohnigsiiweihig fougt, sobaud mer die letschtä Biuder ufghänkt, die letschtä Chischtä glärt u die letscht Lampä montiert hei;-)!

I ha huerä fröid:-)!

Ändlech ischer do !!! :-D

Mi Göttibueb:

 Noah Janic Narracci

Isch am 25. Januar 2012 am 6.22 am Morgä, mit guet eirä Wuchä Verspötig uf d Wäut cho.

Är isch 52 cm und 3620 Gramm.

Mami Melanie und Papi Roberto si ganz glücklech!

Und i bi stouzes Gotti:-)!

322 Siitä-Ufrüäf...

... pro Monet, und 0 Blogiträg sit Wuchänä.
Do isch defintiv d Nachfrog grösser aus s Aagebot. Richtig, dr Reto isch d Schuld dasi nüm schribä!
Dä zwingt mi nämlech geng zum lerä;-(...