Das isch z jaipur ufem märit, und weni mers richtig überlegä, de isch das erscht vorgeschter gsi! Chunt mer vor aus wäri scho sit mindeschtens 3 mönet hie... Ha mi auerdings glich nonid a aues chönnä gwöhnä, z b dr verchehr isch dr horror! Outo, bußä, laschtwägä, töffä, riter, fuäsgänger, roß-, kameu- u ochsägspann, hüng u chüäh u velo aues chrüz u quer düränang u das im nä höllä tämpo! Mir drü armä turischtä si sicher öpä 10 minutä am stroßärand gstangä bis mer üs ändlech überä trout hei... Na ja für mönschä hautä si nid, aber wenn de mou ä chuäh überä wott, oder ä hung oder äs söili, de steit de gad dr ganz vercher stiu;-)...
Keine Kommentare:
Kommentar veröffentlichen