No dr Räscht vo dä Ferie...

I ha mi jetz wider vo minä Ferie erhout und ha mi wider im Arbeitsläbä iigwöhnt... jojo das brucht haut amä äs Wiili;-) so nach 3 Wuchä nüt machä... die 3 letschtä Ferie Tag hei mi so richtig schön aagschissä, natürelch wiu die letschti Wuchä uf dä Perhentians so toll isch gsi. Bi jedä Tag go touchä, nach däm i dr Divemaster drvo überzügt ha, dasi würklech kei Refresher bruchä (wiui eifach totau überzügt bi vo mir und die chlini Zicke usäghänkt ha), het är mi de tatsächlech eifach so mit gno und nachdäm er sech drvo überzügt het dasi mi ou tatsächlech cha Fortbewegä und keni Panikattackä schiebä, hei mer de würklech mega kuuli Sachä gmacht. Si ungerfäusä und dür Höhlinä dürä gschwummä (das isch sooo kuul gsi, i bi sicher öpä 3mou blibä steckä und ha mer huerä d Bei verchratzt a dä Fäusä, aber äs het mega Spass gmacht) und när si mer no äs Wrack go aaluägä... das darfmä wigentelch numä mitem Advanced aber das Wrack isch äbä numä uf 18 m und het grossi Frachtrüm wo mä inä cha, drum hei si üs ou mitgno. Leider hanis ou dört wider gschafft mi öpä 3 mou am Riff z schnidä... isch haut no schwirig wenn dä au die Fischä muesch beobachtä und glichziitg wirsch vor Strömig wägtribä und merksch nid wie noch am Riff das dä bisch... has auso ou gschafft vou inä Seeigu inä z längä... Stachu steckt gloub geng no i mim Finger. När hei mer no ä chlinä "unfau" gha... auso mir si jo z viert gsi. Ig und dr Stuart si Buddys gsi und Nadia und dr Divemaster... mir si am Wrack entlang toucht und uf z mou isch d Nadia vor Strömig ufä übers Schiff wäg zogä wordä... Si isch auerings guet gägä d Strömig acho und isch gad wider zrugg gschwummä, ungerdessä het ärä aber dr Stu wöuä go häufä und isch säuber id Strömig cho und isch so erschrockä das är sech am Wrack het fescht ghautä. Ganz schlächt wiu mi sött jo nüt alängä wius dört tötlechi Skorpionfischä git wo mä fasch nid gseht... drum isch üsä Divemaster churzum fasch dürä drähit und het dr Stu versuecht vom Schiff wägz zieh... när hei si fasch chli zämä kämpft ungerwasser, dr Stu het plötzlech sis Gwicht verlorä und de si die 2 natürelch zämä ufwärts... und Nadia und ig si geng no dunger gsi... i has auso nid würklech tschegget, was dört abgangä isch... zum Glück si mer denn scho uf 7m gsi, und dr Divemaster het üs dütet mir söuä ou ufä cho... dä isch würklech fasch dürädräit... jetz hani auso ou scho mis erscht Notufstig gmacht. Und äs het ou niemerem öpis gmacht usser das dr Stu sini Finger verschnitte het, vom Riff..

D Heireis hani de ganz schrecklech gfungä... mou abgseh drvo dases mi natürlech augemein aagschissä het hei zgo, isches ou no ewig gangä. Bi über Nacht vo Kota Bharu nach Singapur gfahrä, när dr ganz Tag ir Stadt umägrennt und när wider über Nacht zrugg id Schwiz gflogä... die erschti Nacht im Bus bini fasch iigfrorä und die 2 Nacht im Flugzüg het mer scho aues so weh to, dasi nüm ha chönnä schlofä... so hani de haut dr ganz Sunnti verpennet u bi am Mänti am Morgä topfit und motiviert go schaffä... hahaha...

Taman Negara bis Perhentian Islands...

Auso nachem Trecking i dae Cameron Highlands simer direkt witer i Taman Negara Natinau Park. Zersch si mer mitem Bus gfahrae und naer no 3 Stung mitem Boot duerae Urwaud. Mega schoen. Doert hei mer de ueses Hostel unger Mangoboeim bezogae (d Mangos si ir Nacht immer ufs Dach knaut - Haerzinfarkt) und hei am Obae gad mou ae Night Jungle Walk gmacht. Dae isch eigentlech nid so toll gsi, wiu d Gruppae isch risig gsi, 16 Luet und wenn dr Guide irgend aes Viech gseh het, hei mirs meischtens nid mit bercho wiu mer, natuerlech z hingerscht si gsi. S geilschtae isch eifach wider mou, das es ues vou verpisst het. Aber wuerklech vou! Auerdings isches zum Glueck so warm gsi, dases eher gad ae agnaehmi abchuelig isch gsi.
Am noechschtae Tag si mer de uf eigeti Fuscht i Nationau Park, aes het doert auso super markierti Waegae, und de hei mer s Canopz gmacht, das si so Brueggae i dae Boumgipflae und naer si mer no ufae Huegu ufaeklaetteret (viu z viu chlaetterae und wanderae i den ae Ferie). Aber s het sech de aber wuerklech glohnt wiu d Ussicht i dae Nationau Park isch eifach geniau gsi. Auerdings simer aui pflotschnass dobae acho, dasmou aber nid waegem raegae sondern waeg dr dr hoechae Luftfuechtigkeit... und em schwitzae natuerlech.
Noechschtae Tag si mer de witer mitem Bus und em Speedboat zu dae Perhentian Islands. Mir si auso immerno z viert ungerwaegs, auerdings hei mer dr Simon, dr Australier, jetz gaegae d Laura, ae duetschi ustuschet...
Auso jetz simer auso hie uf dr Inslae... do isch auso no ae Neuseelaender drzue cho, 2 Schwedinae, ae Italiaener, Irlaenderin, 2 Duetschi... jo viu z viu Touris hie;-)!
Huet si mer go schnorchlae und hei ae riiiisae Schiudchrot gseh wo ues aagschissae het (dae het ues gloubs woeuae loswaerdae) und Haiae (nid so grossi) hei mer ou gseh. Isch meeeega schoen gsi.

Malacca, Kuala Lumpur, Cameron Highlands

Auso i bi 1 Nacht z Singapur gsi und am noechschtae Tag witer mitem Bus nach Malacca.
Doert bini de 2 Naecht blibae, Chinatown isch oepae s einzige spannendae gsi, aes paar Chiuchae und s Satdthuys vo dae Hollaender... naer hani mi noei usgrueschtet, mit Sunnaecreme und Muggaespray, und ha mis Handtaeschli gaegae oepis praktischers iituschet, und de hani mini warmae Chleider gad per Seamail heigschickt... mi Rucksack isch jetz auso um 3 Kilo liechter und i ha ganz viu Platz fuer Souvenir... saeubschverstaendlech hani ou s Paeckli muessae usnuetze u ha ou gad Souvenir heigschickt.
Am noechschtae Tag hani de d Bedbugs zrugg glo und bi witer nach Kuala Lumpur. Im Hostel hani no ae Duetschae troffae und dae isch gad mitmer cho...
Z KL simer de aus erschts gad zu dae Batu Caves... d Hoeli isch zwar raecht beiidruckend gsi, aber so Hindustatue hani eifach scho zur genuege gseh... dr Rueckwaeg isch de no raecht luschtig gsi, hei 1 Stung ufe Bus gwartet und hei naer aeh angerae gno wiu uesae schinbar im Stau steckt. Das Weekend isch aebae Ramadan End gsi, und aes hei aui iiheimischae frei gha und si schiinbar id Stadt go feschtae...
Jo aebae bis mer de wider ir Stadt si gsi isch oepae 10ni gsi und aes het gschiffet wie numae oepis... naer si mer i Burger King und de scho gli go schloffae...
Ungerdessae isch naer no ae witeri Duetschi zu ues gstossae und de si mer zu dae Petronas Towers gangae... die hani de vo aunae Sitae gfoetelet aber ufae hei mer nid choennae waegem National Holiday.
Am Nomi simer de z Dritt mitem Bus witer id Cameron Highlands, uf dr Busfahrt hei mer no ae Australier ufgablet und jetz simer auso scho z Viert ungerwaegs... geschter simer de so chli go wanderae. si oepae 3 Stung im Dschungel umaegirrt, im Raegae widermou, und si naer im nae chlinae Doerfli usaecho, und doert hets zuefaeuigerwiis gad ae Strwberry Farm gha (hie hets ganez viu Aepbeeri Farmae) und mir hei sogar no eini gfungae wo nid waegae Ramadan End gschlossae isch gsi und de hei mer doert mou aes paar Kilo Aepbeeri verdrueckt:-)!
Ah jo mir si auso ou scho ae Tea Plantation go aaluaegae (aber d Factory isch natuerlech zue gsi, waega National Holiday), do simer zersch mitem Bus gfahrae u naer ae Stung gloffae... ir heufti vom Waeg hets natuerlech afo schiffae, aber aes par Japslaetouris si so naett gsi und hei ues ae Schirm gschaenkt... naer si mer z viert unger eim Schirm witerspaziert... naja, auso nass si mer de glich aui gsi... Zrugg hei mer de Outostopp gmacht und aes hei ues tatsaechlech zersch aes par Inder ufem Pickup mitgno und naer aes hollaendisch Paerli i ihrem VW. Die Fahrt isch zwar witzig gsi, aber chli unbequem, und wiu mer eh im Stou gstangae si, bi ni usgstigae und gloffae (mis Bei isch scho lang iigschloffae gsi)...
Jetz isch auso das Holiday-Weekend aendlech duerae und aes hei wider aui Laedae offae und aes het nuem so viu Luet hie...
Morn geits vorussichtlech witer i Taman Negara National Park...

Singapur, wiedereinmal...

Sooo, nachdaem d Martina und ig ues scho hei gseh die noechschti Foug vo "The Terminal" draeiae hets de glich no klappet und i ha nae Flug gfungae, mit Turkish Airways ueber Istanbul nach Singapur. Klar isch dae nid ganz so biuig gsi wienis i mis Budget i plannet ha, aber wider mitem Zug heizfahrae haett natuerlech mi stur Chopf nid woeuae. Dr Flug isch super aagnaehm gsi, keni schreiendae Ching und kei z fescht ufdraehiti Klima-Aalag und gschlofae hani wunderbar, drum bini jetzae, am 12i ir Nacht und nach mehrerae Stung Shopping, immer no topfit. Singapur darf mi ungerdessae scho zum 4 mou beherbaergae und drum hani ou ke Problem gha, s Fragrance Backpackers in Little India wider z fingae. Nach aerae agnaehmae Duschi, hani mi de mou aus erschts is ION Shopping Center ar Orchard Street ufgmacht... Schwoooscht? I gloub das hei mer letscht mou nonid gseh... laeck hani mi veriirt dert inae... bi sicher oepae 3 Stung drinn umaegwanderet! Mis Ziu si eigentlech churzi Hosae gsi, wiu irgendwie hani mini Koffer doch eher fuer i Richtig Amerika oder Kanada packt (und aes isch uuuhuuuuerae heiss), aber jetz hani haut laengi Hosae und due de die abschnidae... wiu mou abgseh vo Summer Chleider hani auso aus drbi: vo WC-Papier, ueber ae Schaeri bis zu dae abglofnae Malaria-Tablettae vor letschtae Reis. Naer hani de no ae Reisefuerer kouft und ha oepis iiheimischs (auso i nimes mou ah aes isch iiheimisch gsi, wiu i has nid so genau choennae definierae) z Nacht gaessae.
So, und vori hani no aes Bierli drunkae, das het auerdings 10S$ koschtet, und drum hets numae eis gaeh und aebae, eigentlech waer jo scho lang Ziit fuer is Bett...

Scho fasch ä Abschied...

Geschter am Obä hei mer üsä letscht Frouäobä gha, bevor d Melä am Sunnti abreist. (ehm nei, dr Robi isch kei Frou;-), numä s Taxi...)

Übrigens numä so zur Info (has natürlech gad müässä go nochäluägä): Anthropologie isch „die Wissenschaft des Menschen“ und chunt vo Anthropos was uf griechisch Mensch bedütet. Und äs git auso forensischi,philosophischi, theologischi, historischi und pädagogischi (und so witer und so fort) Anthropologie… aber öpis im Zämähang mit griechischer Mythologie hani auso nid gfungä… und Antrophologie gits gloubs nid (oder?)…
Hm, nimmt mi scho Wunger wie si de das Ching nennä;-)!

Berlin zum zwöitä: s Berlinteam;-)

Berlin zum erschtä: Sightseeing

Fernsehturm vom Alexanderplatz us...
Dr Berliner Dom...

U-Bahnstation

S nöiiä Bundeskanzleramtsgebäude...

S Brandenburger Tor... leider hanis nid ganz chönnä Fötelä wiu si ä Feschtplatz für d Liechtathletik-WM vor dran ufbouet hei.

42km Marathon vo dä Männer: Kenianer si scho vo afang ah vorab gsi!

S Bundeskanzleramt mit dr Kupplä vom Reichstag hingä drannä, vor Spree us.

Hackescher Markt... Und s Tacheles, ganz ir nöchi vo üsem Hotel...

Dr Gendarmen markt (wär jo eignetlech säubschterklärend;-) Und no dr Checkpoint Charly...

S letschtä Weekend, vom 20igscht bis am 23igscht Auguscht bini z Berlin gsi.

Üses Hotel isch ar Oranienburgerstrasse gsi und vo dört us hei mer am Donnschti z Fuäss ä Entdeckigstour gstartet. Si zum Dom glofä u när zum Fernsehturm, witer zum Alexanderplatz u när no zum Hackescher Markt.

Am Friti hei mer de ä Spreefahrt gmacht, ä 4 Stündigi... das isch doch gad echli lang gsi u mir si de früäzitig usgstigä... leider isch äbä s Wätter ou nid so toll gsi u mir hei aui chli früsch gha. Am nomi si mer de no is KaDeWe, is Kaufhaus des Westens go shoppä. Aber usser Schoggi und em nä Bier hei mer nüt kouft;-)!

Und am Samschti hei mer de no ä Bus-Sightseeing-Tour wöuä machä... mir hei auerdings nid mitem Marathon grächnet u das dr Bus wäg däm nid fahrt. Jä nu, so si mer haut de die wichtigä Sachä abgloffä und dr Marathon hei mer auso ou no gseh! Mir si d Friedrichsstrasse abägloffä zum Brandenburger Tor, när zum Reichstag, zum Potsdamer Platz zum Checkpoint Charly und zum Gendarmenplatz... när si mer no chli go shoppä;-) und nachemnä verdientä Bier si mer de no is Tacheles, is autä Kunschthuus. Und am Obä hei mer de ou no die Hackescher Höfe gfungä.. leider hei mer äbä glich nonid aues gseh... und müässä de nomou go:-)!

Cyrill Luc

Geschter bini äxtra zum Coiffeur...

wiu i ha mi für öper ganz speziells wöuä schön machä...

dr Cyrill Luc Bamal!

Open Air Gampel

Voila no äs paar Iidrück vo Gampu. Leider isch mer erscht am letscht Tag i Sinn cho dasi jo äxtra dr Föteler ha mitgno, drum gits haut nid so viu Biudli. Aber wie mäh gseht (wie mä vorauem üs aagseht;-) isches seeeehr heiss gsi. D Lüt hei auso ou gar nid mögä vor dr Bühni id Sunnä stoh und umähüpfä... drum gsehts us aus häts nid so viu Lüt gha... mir hei Silbermond, SnowPatrol, Milow und PatentOchsner gluegt u bi auem angerä hei mer natürlech ou geng chli inä glost. Farin Urlaub hei mer rächt schnäu ufgäh, äs het sooooo viu Lüt gha... Phenomden isch no kuul gsi, und The TingTings, Telaphones, The Rifles, The Loops... eh jo und Lovebugs und Wurzel5 kennt mä jo...
Nöchscht Johr isch auso ou scho planet:-)!

Ganz viu passiert...

Auso d StreetParade isch super gsi, wie geng, u das Johr sogar trotzt äm Rägä! Üses Beieli-Outfit isch auso ou ganz kuul gsi, u zur Abwächslig hei mer sogar bequemi Schueh (absatzlos für einisch) angha. Wie mä uf dä Föteli gseht hei äs paar Lüt Schweinegrippe gha (oder die brillianti Idee sech mit Maskä z stylä) und wie mäh ou gseht hei mer gluägt das mer gnuä Flüssigkeit zue üs näh. Üs ischs auso rächt guet gangä... isch ömu wider mou äs Erläbnis gsi;-)!

När si d Ferie wider dürä, s Spanisch het wider agfangä und i wirdä jetz Marketingassischtentin und darf einisch ir Wuchä id Schueu. D Melä geit scho gli, d Martina geit scho gli und i planä dr nöchscht Churzurloub... Drfür wohnt d Sarah wider chli nöcher und jetz chöi mer de wider zämä uf Männerfang (oder so;-)!

S letschtä Weekend bini mit dr Christine z Gampu gsi und morn flügi mit dr Diana, dr Corinne und dr Annemarie uf Berlin...